جامع ترمذی: كتاب: قرآن کریم کی تفسیر کے بیان میں (باب: سورہ آل عمران کی تفیسر)

ترجمۃ الباب:

3003.

انس رضی الله عنہ کہتے ہیں: رسول اللہ صلی الله علیہ وسلم کے چہرے سے خون بہایا گیا، آپﷺ کے دانت توڑ دیئے گئے، آپﷺ کے کندھے پر پتھر مارا گیا، جس سے آپﷺ کے چہرے پر خون بہنے لگا، آپﷺ اسے پونچھتے جا رہے تھے اور کہتے جا رہے تھے: ’’وہ امت کیسے فلاح یاب ہوگی جس کا نبی انہیں اللہ کی طرف بلا رہا ہو اور وہ اس کے ساتھ ایسا (برا) سلوک کر رہے ہوں‘‘۔ اس پر اللہ تعالیٰ نے آیت: ﴿لَيْسَ لَكَ مِنَ الأَمْرِ شَيْئٌ أَوْ يَتُوبَ عَلَيْهِمْ أَوْ يُعَذِّبَهُمْ فَإِنَّهُمْ ظَالِمُوْنَ﴾ نازل فرمائی۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ میں نے عبد بن حمید کو کہتے ہوئے سنا ہے کہ یزید بن ہارون اس معاملے میں غلطی کر گئے ہیں۱؎۔