جامع ترمذی: كتاب: قرآن کریم کی تفسیر کے بیان میں (باب: سورہ نساء کی تفسیر)

ترجمۃ الباب:

3015.

محمد بن منکدر کہتے ہیں کہ میں نے جابر بن عبداللہ رضی الله عنہ کو کہتے ہوئے سنا: میں بیمار ہوا تو رسول اللہ صلی الله علیہ وسلم میری عیادت کو تشریف لائے اس وقت مجھ پر بے ہوشی طاری تھی، پھر جب مجھے افاقہ ہوا تو میں نے عرض کیا: میں اپنے مال میں کس طرح تقسیم کروں؟ آپﷺ یہ سن کر خاموش رہے، مجھے کوئی جواب نہیں دیا، پھر یہ آیات ﴿يُوْصِيْكُمُ اللَّهُ فِي أَوْلاَدِكُمْ لِلذَّكَرِ مِثْلُ حَظِّ الأُنْثَيَيْنِ﴾ نازل ہوئیں۱؎۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ اسے کئی اور لوگوں نے بھی محمد بن منکدر سے روایت کیا ہے۔