جامع ترمذی: كتاب: قرآن کریم کی تفسیر کے بیان میں (باب: سورہ نساء کی تفسیر)

ترجمۃ الباب:

3019.

ابو بکرہ رضی الله عنہ کہتے ہیں کہ رسول اللہ صلی الله علیہ وسلم نے فرمایا: ’’کیا میں تمہیں بڑے سے بڑا گناہ نہ بتاؤں؟‘‘ صحابہ نے عرض کیا: ہاں اللہ کے رسولﷺ! ضرور بتائیے۔ آپﷺ نے فرمایا: ’’اللہ کے ساتھ شریک کرنا، ماں باپ کی نافرمانی کرنا‘‘، آپ صلی الله علیہ وسلم پہلے ٹیک لگائے ہوئے تھے پھر اٹھ بیٹھے اور فرمایا: ’’جھوٹی گواہی دینا، یا جھوٹی بات کہنا‘‘ آپﷺ یہ بات بار بار دہراتے رہے یہاں تک کہ ہم اپنے جی میں کہنے لگے کاش آپﷺ خاموش ہو جاتے‘‘۔
امام ترمذی کہتے ہیں: یہ حدیث حسن صحیح غریب ہے۔