جامع ترمذی: كتاب: قرآن کریم کی تفسیر کے بیان میں (باب: سورہ ہودسے بعض آیات کی تفسیر​)

ترجمۃ الباب:

3110.

ابوموسیٰ اشعری ؓ سے روایت ہے کہ رسول اللہ ﷺ نے فرمایا: ’’بے شک اللہ تبارک وتعالیٰ ظالم کو مہلت دیتا ہے مگر جب اسے گرفت میں لے لیتا ہے پھر تو اسے چھوڑتا بھی نہیں‘‘، پھر آپﷺ نے آیت ﴿وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ﴾۱؎ تلاوت فرمائی۔ (راوی ابومعاویہ نے کبھی ’’یملی‘‘ کہا اورکبھی ’’یمہل‘‘ دونوں کا معنی ایک ہے)۔
امام ترمذی کہتے ہیں:
۱۔ یہ حدیث حسن صحیح غریب ہے۔
۲۔ ابواسامہ نے بھی اسے برید سے اسی طرح روایت کیا ہے، اور ’’یُملی‘‘ کا لفظ استعمال کیا ہے۔