جامع ترمذی: كتاب: قرآن کریم کی تفسیر کے بیان میں (باب: سورہ زمر سے بعض آیات کی تفسیر​)

ترجمۃ الباب:

3241.

مجاہد کہتے ہیں کہ عبداللہ بن عباس ؓ نے کہا: کیا تمہیں معلوم ہے جہنم کتنی بڑی ہے؟  میں نے کہا: نہیں، انہوں نے کہا: بے شک، قسم اللہ کی، مجھے بھی معلوم نہ تھا، (مگر) عائشہ‬ ؓ ن‬ے مجھ سے بیان کیا کہ انہوں نے رسول اللہ ﷺ سے آیت ﴿وَالأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَوَاتُ مَطْوِيَّاتٌ بِيَمِينِهِ﴾۱؎  کے تعلق سے پوچھا: رسول اللہﷺ! پھر اس دن لوگ کہاں ہوں گے؟ آپﷺ نے فرمایا: ’’جہنم کے پل پر، (اس سے مجھے معلوم ہو گیا کہ جہنم بہت لمبی چوڑی ہو گی) اس حدیث کے سلسلے میں پوری ایک کہانی ہے۔
امام ترمذی کہتے ہیں : یہ حدیث اس سند سے حسن صحیح غریب ہے۔