جامع ترمذی: كتاب: قرآن کریم کی تفسیر کے بیان میں (باب: سورہ ممتحنہ سے بعض آیات کی تفسیر​)

ترجمۃ الباب:

3307.

ام سلمہ انصاریہ‬ ؓ ک‬ہتی ہیں: عورتوں میں سے ایک عورت نے عرض کیا: (اللہ کے رسولﷺ!) اس معروف سے کیا مراد ہے جس میں ہمیں آپﷺ کی نافرمانی نہیں کرنی چاہیے، آپﷺ نے فرمایا: ’’وہ یہی ہے کہ تم (کسی کے مرنے پر) نوحہ مت کرو‘‘، میں نے کہا: اللہ کے رسولﷺ! فلاں قبیلے کی عورتوں نے نوحہ کرنے میں میری مدد کی تھی جب میں نے اپنے چچا پر نوحہ کیا تھا، اس لیے میرے لیے ضروری ہے کہ جب ان کے نوحہ کرنے کا وقت آئے تو میں ان کے ساتھ نوحہ میں شریک ہو کر اس کا بدلہ چکاؤں، آپﷺ نے انکار کیا، (مجھے اجازت نہ دی) میں نے کئی بار آپﷺ سے اپنی عرض دہرائی تو آپﷺ نے مجھے ان کا بدلہ چکا دینے کی اجازت دے دی، اس بدلہ کے چکا دینے کے بعد پھر میں نے نہ ان پر اور نہ ہی کسی اور پر اب قیامت تک نوحہ (جبکہ) میرے سوا کوئی عورت ایسی باقی نہیں ہے جس نے نوحہ نہ کیا ہو۱؎۔
امام ترمذی کہتے ہیں:
۱۔ یہ حدیث حسن ہے۔
۲۔ اس باب میں ام عطیہ‬ ؓ س‬ے بھی روایت ہے۔
۳۔ عبد بن حمید کہتے ہیں، ام سلمہ انصاریہ ہی اسماء بنت یزید بن السکن ہیں ؓ ۔