جامع ترمذی: كتاب: قرآن کریم کی تفسیر کے بیان میں (باب: سورہ الصف سے بعض آیات کی تفسیر​)

ترجمۃ الباب:

3310.

ابوہریرہ ؓ کہتے ہیں: جس وقت سورہ جمعہ نازل ہوئی اس وقت ہم رسول اللہ ﷺ کے پاس تھے، آپﷺ نے اس کی تلاوت کی، جب آپﷺ ﴿وَآخَرِينَ مِنْهُمْ لَمَّا يَلْحَقُوا بِهِمْ﴾۱؎ پر پہنچے تو ایک شخص نے آپﷺ سے پوچھا: اللہ کے رسولﷺ! وہ کون لوگ ہیں جو اب تک ہم سے نہیں ملے ہیں؟ (آپﷺ خاموش رہے) اس سے کوئی بات نہ کی، سلمان (فارسی) ؓ ہمارے درمیان موجود تھے، آپﷺ نے اپنا ہاتھ سلمان پر رکھ کر فرمایا: ’’قسم ہے اس ذات کی جس کے ہاتھ میں میری جان ہے، اگر ایمان ثریا پر ہوتا تو بھی (اتنی بلندی اور دوری پر پہنچ کر) ان کی قوم کے لوگ اسے حاصل کر کے ہی رہتے‘‘۲؎۔
امام ترمذی کہتے ہیں:
۱۔ یہ حدیث غریب ہے، اور عبداللہ بن جعفر، علی بن المدینی کے والد ہیں، یحییٰ بن معین نے انہیں ضعیف کہا ہے۔
۲۔ ثور بن زید مدنی ہیں، اور ثور بن یزید شامی ہیں، اور ابوالغیث کا نام سالم ہے، یہ عبداللہ بن مطیع کے آزاد کردہ غلام ہیں، مدنی اور ثقہ ہیں۔
۳۔ یہ حدیث ابوہریرہ کے واسطے سے نبیﷺ سے دوسری سندوں سے بھی آئی ہے۔ (اور اسی بنیاد پرصحیح ہے)