جامع ترمذی: كتاب: قرآن کریم کی تفسیر کے بیان میں (باب: سورہ بروج سے بعض آیات کی تفسیر​)

ترجمۃ الباب:

3340.

صہیب ؓ کہتے ہیں: رسول اللہ ﷺ جب عصر پڑھتے تھے، تو(ھمس) (سرگوشی) کرتے، (همس) بعض لوگوں کے کہنے کے مطابق اپنے دونوں ہونٹوں کو اس طرح حرکت دینا (ہلانا) ہے گویا کہ وہ باتیں کر رہا ہے (آخرکار) آپﷺ سے پوچھ ہی لیا گیا، اللہ کے رسولﷺ! جب آپﷺ عصر کی نماز پڑھتے ہیں تو آپﷺ دھیرے دھیرے اپنے ہونٹ ہلاتے ہیں (کیا پڑھتے ہیں؟) آپ نے نبیوں میں سے ایک نبی کا قصہ بیان کیا، وہ نبی اپنی امت کی کثرت دیکھ کر بہت خوش ہوئے، اور کہا: ان کے مقابلے میں کون کھڑا ہو سکتا ہے؟ اللہ نے اس نبی کو وحی کیا کہ تم اپنی قوم کے لیے دو باتوں میں سے کوئی ایک بات پسند کرلو، یا تو میں ان سے انتقام لوں یا میں ان پر ان کے دشمن کو مسلط کر دوں، تو انہوں نے نقمہ (سزا و بدلہ) کو پسند کیا، نتیجۃً اللہ نے ان پر موت مسلط کر دی،چنانچہ ایک دن میں ستر ہزار لوگ مر گئے۱؎۔ صہیب (راوی) کہتے ہیں کہ جب آپﷺ نے یہ حدیث بیان کی تو اس کے ساتھ آپ نے ایک اور حدیث بھی بیان فرمائی،