جامع ترمذی: كتاب: قرآن کریم کی تفسیر کے بیان میں (باب: سورہ والشمس وضحاھا سے بعض آیات کی تفسیر​)

ترجمۃ الباب:

3343.

عبداللہ بن زمعہ کہتے ہیں: میں نے نبی اکرم ﷺ کو ایک دن اس اونٹنی کا (مراد صالح ؑ کی اونٹنی) اور جس شخص نے اس اونٹنی کی کوچیں کاٹی تھیں کا ذکر کرتے ہوئے سنا، آپﷺ نے یہ آیت ﴿إِذِ انْبَعَثَ أَشْقَاهَا انْبَعَثَ﴾ تلاوت کی، اس کام کے لیے ایک شرِّ سخت دل طاقتور ، قبیلے کا قوی ومضبوط شخص اٹھا، مضبوط وقوی ایسا جیسے زمعہ کے باپ ہیں، پھر میں نے آپﷺ کو عورتوں کا ذکر کرتے ہوئے سنا، آپﷺ نے فرمایا: ’’آخر کیوں کوئی اپنی بیوی کو غلام کو کوڑے مارنے کی طرح کوڑے مارتا ہے اور جب کہ اسے توقع ہوتی ہے کہ وہ اس دن کے آخری حصہ میں (یعنی رات میں) اس کے پہلو میں سوئے بھی‘‘، انہوں نے کہا: پھر آپﷺ نے کسی کے ہوا خارج ہو جانے پر ان کے ہنسنے پر انہیں نصیحت کی، آپﷺ نے فرمایا: ’’آخرتم میں کا کوئی کیوں ہنستا (ومذاق اڑاتا) ہے جب کہ وہ خود بھی وہی کام کرتا ہے‘‘۱؎۔
امام ترمذی کہتے ہیں: یہ حدیث حسن صحیح ہے۔