جامع ترمذی: كتاب: قرآن کریم کی تفسیر کے بیان میں (باب: سورہ والضحی سے بعض آیات کی تفسیر​)

ترجمۃ الباب:

3345.

جندب بجلی ؓ کہتے ہیں: میں نبی اکرم ﷺ کے ساتھ ایک غار میں تھا، آپﷺ کی انگلی سے (کسی سبب سے) خون نکل آیا، اس موقع پر نبی اکرم ﷺ نے فرمایا: ’’تو صرف ایک انگلی ہے جس سے خون نکل آیا ہے اور یہ سب کچھ جو تجھے پیش آیا ہے اللہ کی راہ میں پیش آیا ہے‘‘، راوی کہتے ہیں: آپﷺ کے پاس جبرئیل ؑ کے آنے میں دیر ہوئی تو مشرکین نے کہا: (پروپگینڈہ کیا) کہ محمد (ﷺ) چھوڑد یے گئے، تو اس موقع پر اللہ تعالیٰ نے (سورہ والضحیٰ کی) آیت ﴿مَا وَدَّعَكَ رَبُّكَ وَمَا قَلَى﴾۱؎ نازل فرمائی۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ اسے شعبہ اور ثوری نے بھی اسود بن قیس سے روایت کیا ہے۔