جامع ترمذی: كتاب: مسنون ادعیہ واذکار کے بیان میں (باب: ایک اور دعا)

ترجمۃ الباب:

3401.

ابوہریرہ ؓ سے روایت ہے کہ نبی اکرم ﷺ نے فرمایا: ’’جب کوئی تم میں سے اپنے بستر پر سے اٹھ جائے پھر لوٹ کر اس پر (لیٹنے، بیٹھنے) آئے تو اسے چاہیے کہ اپنے ازار (تہبند، لنگی ) کے (پلو) کونے اور کنارے سے تین بار بستر کو جھاڑ دے، اس لیے کہ اسے کچھ پتہ نہیں کہ اس کے اٹھ کر جانے کے بعد وہاں کون سی چیز آ کر بیٹھی یا چھپی ہے، پھر جب لیٹے تو کہے: (بِاسْمِكَ رَبِّي وَضَعْتُ جَنْبِي وَبِكَ أَرْفَعُهُ فَإِنْ أَمْسَكْتَ نَفْسِي فَارْحَمْهَا وَإِنْ أَرْسَلْتَهَا فَاحْفَظْهَا بِمَا تَحْفَظُ بِهِ عِبَادَكَ الصَّالِحِينَ)۱؎ ، پھرنیند سے بیدا ر ہوجائے تو اسے چاہیے کہ کہے : (الْحَمْدُ لِلَّهِ الَّذِي عَافَانِي فِي جَسَدِي وَرَدَّ عَلَيَّ رُوحِي وَأَذِنَ لِي بِذِكْرِهِ)۲؎۔
امام ترمذی کہتے ہیں:
۱۔ ابوہریرہ کی حدیث حدیث حسن ہے۔
۲۔ بعض دوسرے راویوں نے بھی یہ حدیث روایت کی ہے، اور اس روایت میں انہوں نے (فَلْيَنْفُضْهُ بِدَاخِلَةِ إِزَارِهِ) کا لفظ استعمال کیا ہے (بِدَاخِلَةِ إِزَارِهِ) سے مراد تہبند کا اندر والا حصہ ہے۔
۳۔ اس باب میں جعفر اور عائشہ‬ ؓ س‬ے بھی احادیث آئی ہیں۔