جامع ترمذی: كتاب: مسنون ادعیہ واذکار کے بیان میں (باب: دعا(اللَّهُمَّ أَلْهِمْنِي رُشْدِي) کے سکھانے کا قصہ)

ترجمۃ الباب:

3483.

عمران بن حصین کہتے ہیں کہ نبی اکرم ﷺ نے میرے باپ سے پوچھا: اے حصین! آج کل تم کتنے معبودوں کو پوجتے ہو؟ میرے باپ نے جواب دیا سات کو چھ زمین میں (رہتے ہیں) اور ایک آسمان میں، آپﷺ نے پوچھا: ان میں سے کس کی سب سے زیادہ رغبت دلچسپی، امید اور خوف و ڈر کے ساتھ عبادت کرتے ہو؟ انہوں نے کہا: اس کی جو آسمان میں ہے، آپﷺ نے فرمایا: ’’اے حصین! سنو، اگر تم اسلام لے آتے تو میں تمہیں دو کلمے سکھا دیتا وہ دونوں تمہیں برابر نفع پہنچاتے رہتے، پھر جب حصین اسلام لے آئے تو انہوں نے عرض کیا: اللہ کے رسولﷺ! مجھے وہ دونوں کلمے سکھا دیجئے جنہیں سکھانے کا آپﷺ نے مجھ سے وعدہ فرمایا تھا، آپﷺ نے فرمایا: ’’کہو‘‘ (اللَّهُمَّ أَلْهِمْنِي رُشْدِي وَأَعِذْ نِي مِنْ شَرِّ نَفْسِي)۱؎۔
امام ترمذی کہتے ہیں:
۱۔ یہ حدیث حسن غریب ہے۔
۲۔ یہ حدیث عمران بن حصین سے اس سند کے علاوہ دوسری سند سے بھی آئی ہے۔