جامع ترمذی: كتاب: مسنون ادعیہ واذکار کے بیان میں (باب: انگلیوں پر تسبیح گننے کا بیان​)

ترجمۃ الباب:

3486.

عبداللہ بن عمرو ؓ کہتے ہیں کہ میں نے نبی اکرم ﷺ کو تسبیح کا شمار اپنے ہاتھ کی انگلیوں پر کرتے ہوئے دیکھا ہے۔
امام ترمذی کہتے ہیں:
۱۔ یہ حدیث اس سند سے حسن غریب ہے، یعنی اعمش کی روایت سے جسے وہ عطاء بن سائب سے روایت کرتے ہیں۔
۲۔ شعبہ اور ثوری نے یہ پوری حدیث عطاء بن سائب سے روایت کی ہے۔
۲۔ اس باب میں یسیرہ بنت یاسر‬ ؓ س‬ے بھی روایت ہے، وہ نبی اکرم ﷺ سے روایت کرتے ہوئے کہتی ہیں: رسول اللہ ﷺ نے فرمایا: ’’اے عورتوں کی جماعت! تم تسبیحات کا شمار انگلیوں کے پوروں سے کرلیا کرو، کیوں کہ ان سے پوچھا جائے گا اور انہیں گویائی عطا کی جائے گی۔‘‘