جامع ترمذی: كتاب: نماز کے احکام ومسائل (باب: اونگھتے وقت نماز پڑھنے کا بیان​)

ترجمۃ الباب:

355.

ام المومنین عائشہ‬ ؓ ک‬ہتی ہیں کہ رسول اللہ ﷺ نے فرمایا: ’’جب تم میں سے کوئی اونگھے اور وہ نماز پڑھ رہا ہو تو سو جائے یہاں تک کہ اس سے نیند چلی جائے، اس لیے کہ تم میں سے کوئی جب نماز پڑھے اور اونگھ رہا ہو تو شاید وہ استغفار کرنا چاہتا ہو لیکن اپنے آپ کو گالیاں دے بیٹھے‘‘۔
امام ترمذی کہتے ہیں:
۱- ام المومنین عائشہ‬ ؓ ک‬ی حدیث حسن صحیح ہے۔
۲- اس باب میں انس اور ابو ہریرہ ؓ سے بھی احادیث آئی ہیں۔