جامع ترمذی: كتاب: زکاۃ وصدقات کے احکام ومسائل (باب: زیور کی زکاۃ کا بیان​)

ترجمۃ الباب:

637.

عبداللہ بن عمرو ؓ کہتے ہیں کہ دو عورتیں رسو ل اللہ ﷺ کے پاس آئیں ان کے ہاتھوں میں سونے کے دو کنگن تھے، تو آپ نے ان سے فرمایا: ’’کیا تم دونوں اس کی زکاۃ ادا کرتی ہو؟‘‘ انہوں نے عرض کیا: نہیں، تو رسول اللہ ﷺ نے ان سے فرمایا: ’’کیا تم پسند کرو گی کہ اللہ تم دونوں کو آگ کے دو کنگن پہنائے؟‘‘ انہوں نے عرض کیا: نہیں، آپ نے فرمایا: ’’تو تم دونوں ان کی زکاۃ ادا کرو‘‘۔
امام ترمذی کہتے ہیں: اس حدیث کو مثنیٰ بن صباح نے بھی عمرو بن شعیب سے اسی طرح روایت کیا ہے اور مثنیٰ بن صباح اور ابن لہیعہ دونوں حدیث میں ضعیف گردانے جاتے ہیں، نبی اکرم ﷺ سے اس باب میں کوئی چیز صحیح نہیں ہے۔