جامع ترمذی: كتاب: حج کے احکام ومسائل (باب: عمرہ میں تلبیہ پکارنا کب بند کیاجائے؟​)

ترجمۃ الباب:

919.

عبداللہ بن عباس ؓ سے مرفوعاً روایت ہے کہ نبی اکرم ﷺ عمرہ میں تلبیہ پکارنا اس وقت بند کرتے جب حجر اسود کا استلام کر لیتے۔
امام ترمذی کہتے ہیں:
۱- ابن عباس‬ ؓ ک‬ی حدیث حسن صحیح ہے۔
۲- اس باب میں عبداللہ بن عمرو ؓ سے بھی روایت ہے۔
۳- اکثر اہل علم کا اسی پر عمل ہے، وہ کہتے ہیں کہ عمرہ کرنے والا شخص تلبیہ بند نہ کرے جب تک کہ حجر اسود کا استلام نہ کر لے۔
۴- بعض کہتے ہیں کہ جب مکے کے گھروں یعنی مکہ کی آبادی میں پہنچ جائے تو تلبیہ پکارنا بند کر دے۔ لیکن عمل نبی اکرم ﷺ کی (مذکورہ) حدیث پر ہے۔ یہی سفیان، شافعی، احمد اور اسحاق بن راہویہ بھی کہتے ہیں۔