جامع ترمذی: كتاب: جنازے کے احکام ومسائل (باب: مؤمن کو اپنے بھائی کو اچھی طرح کفن دینے کے حکم کے بارے میں)

ترجمۃ الباب:

995.

ابو قتادہ ؓ کہتے ہیں کہ رسول اللہ ﷺ نے فرمایا: ’’جب تم میں کوئی اپنے بھائی کا (کفن کے سلسلے میں) ولی (ذمہ دار) ہو تو اسے اچھا کفن دے‘‘۔
امام ترمذی کہتے ہیں:
۱- یہ حدیث حسن غریب ہے۔
۲- اس باب میں جابر ؓ سے بھی روایت ہے۔
۳- ابن مبارک کہتے ہیں کہ سلام بن ابی مطیع آپ کے قول ’’وَلْيُحْسِنْ أَحَدُكُمْ كَفَنَ أَخِيهِ‘‘ (اپنے بھائی کو اچھا کفن دو) کے بارے میں کہتے ہیں کہ اس سے مراد کپڑے کی صفائی اور سفیدی ہے، اس سے قیمتی کپڑا مراد نہیں ہے۔