قدر بحرکتِ دال قضا وحکم ۔اور نہایہ میں ہے کہ قدر وہ ہے جو حکم کیا باری تعالیٰ شانہ نے ، اور سکون دال سے بھی آیا ہے اور لیلۃالقدر وہ رات ہے کہ جس میں حکم فرمایا اور اندازہ کیا اللہ تعالیٰ نے کاموں کا ،اور بندوں کے رزق و عمر اور خیروشر کا۔اور صراح میں ہے کہ قدر اندازہ کیا ہوا اللہ تعالیٰ بندہ کے اوپر حکم ہے  اور اس عبارت سے ظاہر ہوا کہ قضاوقدر دونوں ایک ہی معنی ہیں اور کبھی دونوں میں فرق کرتے ہیں اور کہتے ہیں کہ قضا حکم ازلی ہے اور قدر وقوع اس کا معنی سے قضا سابق ہوئی قدر پر جیسا کہ فرمایا (يَمْحُو اللَّهُ مَا يَشَاءُ وَيُثْبِتُ وَعِنْدَهُ أُمُّ الْكِتَابِ)اثبات عبارت ہے قدر  سے ،اور عندہ ام الکتاب میں اشارہ ہے طرف قضاء کی اور اس کے بر عکس بھی اطلاق ہوتا ہے ایمان قدر پر لانے سے یہ مراد ہے کہ یقین کریں کہ ہم کہ جو کچھ عالم میں واقع ہوتا ہے خیر و شر سے یا افعال سے بندوں کے ،اور سوا اس کے اور چیزوں سے سب تقدیر اور اندازہ سے باہر نہیں اور باوجود اس کے بندوں کو اپنے کام میں اختیار بھی ہے کہ ثواب و عقاب اسی پر مرتب ہوتا ہے ،اور تقدیر اور اختیار کے جمع ہونے میں جو اشکال ہے وہ کتب کلامیہ میں مذکور ہے اور جس کا جاننا یہاں ضروری ہے وہ اتنا کہ آدمی میں ایک صفت ہے کہ اسے اختیار کہتے ہیں کہ دیدہ و دانستہ ایک فعل کو اس کے تر ک پر اختیار کرتا ہے اور کبھی اس کے ترک کو فعل پر ترجیح دیتا ہے بخلاف حرکت مرتعش کے کہ اصلاً اس میں اختیار نہیں ہے پس مذہب جبریہ کا کہ کہتے ہیں حرکات آدمی کے مثل حرکات جماد کے ہے باطل ہے اور یہ خود مشاہدے سے بھی معلوم ہوا، اور کتاب و سنت کی گواہی سے بھی ثابت ہوا کہ ہر چیز کا ازل میں اندازہ ہوا ہے اور ہر چیز رادہ اور مشیت الہی سے ظہور میں آئی ہے اور اس سے مذہب قدریوں کا کہ کہتے ہیں آدمی اپنے افعال کا آپ خالق ہے باطل ہوگیا پس حقیقت میں حال درمیان قدر و جبر کے ہے جیسا کہ امام عارفین ابوعبداللہ جعفر صادق  فرماتے ہیں لاَ جَبْرَ وَلاَ قَدْرَ وَ لَكِنْ اَمْرٌ بَيْنَ اَمَرَيْنِ اور حقيقت میں اللہ تعالیٰ نے خلق و ایجاد اشیاء میں اسباب و شرائط بطریق جریان عادت کے پیدا کیے ہیں جیسے کہ آگ جلانے کو پانی بجھانے کواور کھانا کھانے کو ،اور تلوار سر اڑانے کو یہ سب اس کی خلق و ایجاد سے ہے و لیکن اس میں اسباب کو بھی دخل ہے پھر جب چاہیے بغیر اسباب کے  بھی جسے چاہے پیدا کر دے اور چاہے تو باوجو جمعیت اسباب کے ایجاد نہ کرے آدمی اور قصد اور اختیار اس کا سبب ہے اللہ تعالیٰ کے افعال پیدا کرنے کا ،اور پیدا کرنے والا وہی ہے ہر چیز کا اور جو اسباب و مسببات اور شرائط اور مشروطات کا سب اس کے حیطۂ قضا وقدر میں داخل ہے اور اس کے قضا وقدر سے منافات نہیں رکھتا اور امر ونہی کا مبنیٰ ربوبیت و عبو دیت پر ہے اور ثواب و عقاب تصرف اس کا ہے اپنے ملک میں  مَنْ يَفْعَلُ مَا يَشَاءُ وَ يَحْكُمُ مَا يُرِيْدُ وَلاَ يُسْألُ عَمَّا يَفْعَل وَهُمْ يُسْألُؤْنَ  ہے انتہی ماذکرہ الشیخ فی شرح مشکوۃ۔