جامع ترمذی: كتاب: مسنون ادعیہ واذکار کے بیان میں (باب: توبہ واستغفار کی فضیلت اور بندوں پر اللہ کی رحمتوں کابیان​)

ترجمۃ الباب:

3538.

ابوہریرہ ؓ کہتے ہیں کہ رسول اللہ ﷺ نے فرمایا: ’’اللہ تعالیٰ اپنے بندے کی توبہ سے اس سے کہیں زیادہ خوش ہوتا ہے جتنا کہ کوئی شخص اپنی کھوئی ہوئی چیز (خاص طور سے گم شدہ سواری کی اونٹنی پا کر خوش ہوتا ہے)‘‘۔
امام ترمذی کہتے ہیں :
۱۔ یہ حدیث اس سند سے حسن صحیح غریب ہے، یعنی ابوالزناد کی روایت سے۔
۲۔ یہ حدیث مکحول سے بھی ان کی اپنی سند سے آئی ہے، انہوں نے ابوذر کے واسطہ سے نبی اکرم ﷺ سے اسی طرح کی حدیث روایت کی ہے۔
۳۔ اس باب میں ابن مسعود، نعمان بن بشیر اور انس‬ ؓ س‬ے بھی احادیث آئی ہیں۔