جامع ترمذی: کتاب: سفر کے احکام ومسائل (باب: نمازِ استسقاء کا بیان​)

ترجمۃ الباب:

557.

آبی اللحم ؓ سے روایت ہے کہ انہوں نے رسول اللہ ﷺ کو احجار زیت۱؎ کے پاس اللہ تعالیٰ سے بارش طلب کرتے ہوئے دیکھا۔ آپ اپنی دونوں ہتھیلیاں اٹھائے دعا فرما رہے تھے۔
امام ترمذی کہتے ہیں:
۱- قتیبہ نے اس حدیث کی سند میں اسی طرح ’’عن آبی اللحم‘‘ کہا ہے اور ہم اس حدیث کے علاوہ ان کی کوئی اور حدیث نہیں جانتے جسے انہوں نے نبی اکرم ﷺ سے روایت کی ہو۔
۲- عمیر، آبی اللحم ؓ کے مولیٰ ہیں، انہوں نے نبی اکرم ﷺ سے کئی احادیث روایت کی ہیں۔ اور انہیں خود بھی شرف صحابیت حاصل ہے۔