٭پیدائش اور نام و نسب: نام و نسب یوں ہے: سعد بن مالک بن وہیب بن عبدمناف بن زہرہ بن کلاب قریشی زہری اور کنیت ابو اسحاق ہے۔ آپ ہجرت نبوی سے تقریبا تیس سال پہلے پیدا ہوئے۔ آپ عشرہ مبشرہ میں سے ایک، عرب کے شاہسوار، حضرت عمر کی شوریٰ کے اہم رکن اور اللہ کی راہ میں جہاد کرنے والے سب سے پہلے عرب تیر انداز ہیں۔ رسول اللہ ﷺ کے ماموں زاد بھائی ہیں۔ اسلام لانے والوں میں آپ کا تیسرا نمبر ہے۔ حضرت عمر فاروق ﷜ کے حکم سے آپ نے کوفہ شہر کی بنیاد رکھی اور اسے خوب صورت سائنسی طریق پر استوار کیا۔

٭ حلیہ مبارک: آپ بلند قامت، فربہ جسم اور قوی و مضبوط تھے۔ بال گھنے تھے۔ آخری عمر میں خضاب لگاتے تھے۔ آپ نے پچاس سال کی عمر میں وادی عقیق مدینہ منورہ میں وفات پائی۔

٭ ازواج و اولاد: آپ نے نو شادیاں کیں، ان سے آپ کے اٹھارہ بیٹے اور اتنی ہی بیٹیاں پیدا ہوئی۔ سب سے بڑے بیٹے، اسحاق کے نام پر ابواسحاق کنیت رکھی۔