٭حضرت عباس بن عبدالمطلب ﷜: نام و نسب:عباس بن عبدالمطلب بن ہاشم بن عبدمناف بن قصی بن کلاب بن مرہ، اور کنیت ابوالفضل ہے۔ آپ رسول اللہ ﷺ کے چچا ہیں۔ آپ کی والدہ نتیلہ بنت جناب بن کلب،وہ پہلی عربی خاتون ہیں جنہوں نے بیت اللہ شریف کو ریشمی غلاف پہنایا۔ اس کی وجہ یہ بیان کی جاتی ہے کہ ایک دفعہ حضرت عباس بچپن میں گم ہو گئے تو آپ کی والدہ نے نذر مانی کہ اگر ان کا بچہ مل گیا تو وہ بیت اللہ شریف کو ریشمی غلاف پہنائیں گی، حضرت عباس کے ملنے پر انہوں نے بیت اللہ شریف کو غلاف پہنایا۔ حضرت عباس﷜نبی اکرم ﷺ سے دو سال بڑے تھے۔ زمانہ جاہلیت میں قریش کے سردار تھے اور بیت اللہ میں حاجیوں کو زمزم پلانے کی خدمت آپ کے سپرد تھی۔ آخری عمر میں بینای ختم ہو گئی تھی۔ مدینہ منورہ میں حضرت عثمان ﷜ کی شہادت سے دو سال قبل جمعہ کے روز 12 رمضان کو فوت ہوئے۔ اس وقت آپ کی عمر 88 برس تھی۔ آپ کی اولاد میں حضرت عبداللہ، عبیداللہ اور قثم ﷢ نہایت بلند مرتبہ شخصیات ہیں۔