٭لغوی معنی:[الصید] صاد یصید سےمصدر ہے ۔ صاد کامطلب ہے : پکڑنا .حاصل کرنا۔٭اصطلاحی تعریف: [هو اخذ مباح أكله غير مقدور عليه من وحش أو طير أو حيوان بر أو بحر بقصد] خشکی یا سمندر کےایسے وحشی جانور یا پرندے کو ارادتاً پکڑنا یا شکار کرنا جو انسانوں کے دسترس میں نہ ہو اور جس کا کھانا حلال ہو۔٭شکار کی نوعیت :شکار کرنا قرآن وسنت کے دلائل سے ثابت ہے فرمان باری تعالیٰ ہے:﴿وَإِذا حَلَلتُم فَاصطادوا﴾ (المائدہ 5:2)اور جب احرام سے حلال ہو جاؤ (احرام کھول دو ) تو شکار کر سکتے ہو۔رسول اکرمﷺ شکار کی حلت کےبارے میں فرماتے ہیں:[وما صدت بكلبك المعلم فاذكر اسم الله ثم كل ] (صحيح البخاري.الذبائح والصيد .باب ماجائ فى التصيد . حديث:5488)اور جو تو سدھائے ہوئے کتے کے ساتھ شکار کرے اس پر اللہ کانام ذکر کر پھر کھا لے ۔