٭لغوی معنی :هبه وهب يهب هبة سے ماخوذ ہو جس کے معنی ہیں:’’کسی کو کوئی چیز بغیر عوض کے دینا۔‘‘٭اصطلاحی تعریف:[التملك بلا عوض ]’’کسی شخص کا اپنا مال و متاع کسی کو تبرعاً (بغیرکسی معاوضے کے )دے دینا ہبہ کہلاتا ہے۔‘‘٭ہبہ کی مشروعیت :ہبہ شرعاً مستحب ہے کیونکہ یہ ایک ایسی نیکی ہے جس کی اللہ تعالیٰ نے اپنے بندوں کو ترغیب دلائی ہے ۔فرمان باری تعالیٰ ہے (لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ)(آل عمران 3/92)’’ تم ہر گز اچھائی حاصل نہیں کر سکتے جب تک کہ تم اپنی پسندیدہ چیزیں خرچ نہ کرو۔‘‘نیز فرمایا(وَتَعَاوَنُوا عَلَى الْبِرِّ وَالتَّقْوَى)(المائدة:5/2)’’نیکی عملاً اپنی امت کو ہبہ دینے اور لینے کی تعلیم دی ہے حضرت عائشہؓ فرماتی ہیں [كان رسول الله  يقبل الهدية و يثيب عليها](صحيح البخارى ،الهبة و فضلها والتحريض عليها ،باب المكافاة فى الهبة،حديث:2585)’رسول اللہ ﷺ ہدیہ قبول کرتے تھے اور اس پر بدلہ بھی دیتے تھے۔‘‘٭ہبہ کے چند اہم احکام: 1 اگر والد اپنی اولاد کو کوئی چیز ہبہ کرنا چاہے تو ساری اولاد میں برابری کرنا ضروری ہے کیونکہ نبی ﷺ کا فرمان ہے [فاتقوالله واعدلوا بين أولادكم ](صحيح البخاري ،الهبة و فضلها والتحريض عليها ،باب الإشهاد في الهبة حديث:2587) ’’اللہ سے ڈر اور اپنی اولاد میں عدل و انصاف کرو۔‘‘2 کوئی چیز ہبہ کر کے واپس لینا حرام ہے نبیﷺ نے اس فعل کی شناعت بیان کرتے ہوئے فرمایا [العائد فى هبة كالكلب يعود فى قيئه](صحيح البخاري، الهبة وفضلها والتحريض عليها،باب هبة الرجل لامرأته..حديث2528)’’ہبہ واپس  لینے والا اس کتے کی طرح ہے جو اپی قے کھا لیتا ہے ۔‘‘3 والد اپنا ہبہ واپس لے سکتا ہے ۔4 ہبہ سے عوض  کو تمنا  رکھنا بھی غلط ہے ‘اس امید پر ہبہ کرنا کہ دوسرا شخص اسے کوئی چیز ہبہ کرے گا‘ یہ درست نہیں ہے ۔