٭لغوی معنی:‎[العتق] سے مراد (زوال الملک وثبوت  الحریة)ملکیت کا خاتمہ اور آزادی کاحاصل ہوناہے۔امام زہری ﷫فرماتے ہیں (عتق عتق الفرس ) سےمشتق ہے۔ یہ اس وقت بولتے ہیں جب گھوڑا سبقت لے جائے۔یا(عتق الفرخ ا ذاطار)جب چوزے اڑ جاتے اسے اعتق  سے تعبیر کرتے ہیں۔آزادی کو بھی (عتق ) اسی لیے کہتے ہیں کہ غلام آزادی حاضل کرنے کے بعد جہاں چاہےجاسکتا ہے۔٭اصطلاحی تعریف:مملوک غلام کو آزاد کرنا کرنا اوراسے غلامی  کی ذلت سے نکالنا(عتق )آزادی کہلاتاہے۔٭آزاد کرنے کی مشروعیت اللہ تعالیٰ نےغلاموں کوآزادی دلانے کےلیےمختلف کفارات میں ان کی قید لگائی ہےعلاوہ ازیں غلاموں کےآزاد کرانےکی فضیلت بیان کرکےانکو آزاد کرنے کی ترغیب دی ہےلہذا فرمایا(فک رقبۃ)گردن آزاد کرنا ہے۔ جبکہ نبی ﷺفرماتے:[ومن اعتق رقبه مومنة اعتق الله بكل ارب منها اربامن النار حتى انه ليعتق باليداليدو بالرجل  وبا الفرج الفرج] (ارواء الغليل،كتاب العتق،حديث 1742) ’’جو شخص کس مومن کو آزاد کرتا ہے تواللہ تعالیٰ اس کےایک ایک عضو کےعوض آزاد کرنے والے کے ایک ایک عضوکوجہنم کی  آگ سےمحفوظ کردیتا ہے۔یہاں تک کہ ہاتھ کے بدلے  میں ہاتھ  پاؤ ں کے بدلے میں باؤںاور شرم گاہ کےبدلے شرم گاہ آزاد کردیتا ہے۔‘‘ےزاد کرنے کی حکمت :انسان کو کی ذلت ورسوائی سے نجات دلانا تاکہ  اپنی جان اور منافع کا مالک بن جائےنیز اپنے ارادے کےساتھ اپنی جان کا اور منافع کا فیصلہ کرسکے۔٭.آزادی کی اقسام:غلام کی آزادی تین طرح سے ہوسکتی ہے:(1)تدبیر:مالک کا غلام کو یہ کہنا تو میری موت کے بعد آزاد ہے۔یہ تدبیر کہلاتا ہے۔(2)مکاتبت:اگر مالک غلام کوآزاد کرنے کے لیے کچھ مال لیناطے کرلے اور غلام کما کروہ قسطوں میں ادا کردےتوآزاد ہوجائے گا۔اس عمل کو مکاتب کہتے ہیں۔(3)ام ولد:وہ لونڈی جس کا مالک اس سے ہم بستری کرےاور اس سے اولادہوجاتی ہےجیسے حضرت ماریہ قبطیہ﷜حضرت ابراہیم ؑکی ولادت کے بعدآزاد ہوگئی تھیں۔