اسلام دین فطرت ہے۔ اسلام ترک دنیا اور رہبانیت کا درس دیتا ہے نہ صوفیت کے غیر فطری لوازمات کی ترغیب دیتا ہے اسلام میں اللہ تعالیٰ کی نعمتوں سے مستفید ہونے اور ان کا شکر بجا لانے کی ترغیب دلائی گئی ہے۔ اللہ تعالیٰ کی بے شمار نعمتوں میں سے ایک بہت بڑی نعمت لباس ہے جسے باری تعالیٰ نے انسانوں کی عفت و عصمت کے تحفظ کا ضامن ان کی زینت و آرائش کا باعث قرار دیا ہے ۔ ارشاد باری تعالیٰ ہے:﴿يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِ‌ي سَوْآتِكُمْ وَرِ‌يشًا ۖ وَلِبَاسُ التَّقْوَىٰ ذَٰلِكَ خَيْرٌ‌ ۚ ذَٰلِكَ مِنْ آيَاتِ اللَّـهِ لَعَلَّهُمْ يَذَّكَّرُ‌ون﴾ (الاعراف7 :26 ) ْ ْاے اولاد اآدم ! بے شک ہم نے تمہارے لیے ایسا لباس پیدا کیا  جو تمہاری شرم گاہیں بھی چھپا تا ہے اور موجب زینت  بھی ہے اور تقوے کا لباس ، یہ  اس سے بڑھ کر ہے۔ یہ اللہ کی نشانیوں میں سے ہے تا کہ لوگ نصیحت پکڑیں ۔ ٗ ٗ اللہ تعالیٰ کی اس نعمت سے مستفید ہونے اور اس کا شکر بجا لانے  والے معاشروں میں اس کے بے شمار فوائد پوری طرح عیاں ہیں جبکہ اس نعمت کی نا شکری  کرنے والے معاشروں میں بے حیائی ، برائی ، فحاشی اور ان کے نتیجے میں پھیلنے والی مہلک بیماریاں بھی کسی سے ڈھکی چھپی نہیں ، بلکہ ایسے معاشرے اخلاقیات سے محرومی  اور رنگا رنگ عذابوں کا شکار ہیں جو لباس سے   بے پروائی کا نتیجہ ہیں۔اللہ رب العزت نےلباس کو شرم و حیا کی بقا اور زینت کا باعث بنایا ہے۔ اس کے اور بھی بے شمار فوائد ہیں ، اس لیے مومنوں کو حکم دیا کہ وہ لباس پہنا کریں ۔ ارشاد ہے: ﴿يا بَني آدَمَ خُذوا زينَتَكُم عِندَ كُلِّ مَسجِدٍ وَكُلوا وَاشرَ‌بوا وَلا تُسرِ‌فوا ۚ إِنَّهُ لا يُحِبُّ المُسرِ‌فينَ﴾  (الاعراف 7 :31) اے آدم کی اولاد ! ہر مسجد کے پاس اپنی زینت اختیار کرو ، یعنی لباس پہن لیا کرو اور کھاؤ اور پیواور حد سے مت نکلو، بے شک اللہ حد سے نکلنے والوں کو پسند نہیں  کرتا ۔ٗ ٗ رحمت دو عالم ﷺنے امت کی رہنمائی کے لیے متعدد ارشاد فرمائے ہیں ۔امت  کو بتایا ہے کہ وہ کون سا لباس پہنیں ، کیسے ؛پہنیں، سور کون سے لباس  سے احتراز کریں۔ ان ارشادات میں سے چند ایک یہ ہیں:1 ۔ لباس پہنتے وقت ایک اہم اصول یہ بیان فرمایا کہ لباس ایسا ہو جس سے دو فائدے حاصل ہوں :ایک ، شرم گاہ کو ڈھانپے اور دوسرا ، زینت کا باعث ہو۔ اس سے زیادہ فخر و مباہات کی اجازت ہے نہ صوفیانہ زہد کی گنجائش ، جیسا کہ مذکورا بالا ارشاد باری تعالیٰ  میں بھی رہنمائی کی گئی ہے کہ اسراف و تبذیر کے بغیر کھاؤ پیو اور لباس پہنو۔2 ۔لباس پہن کر تکبر و غرور کا اظہار سخت نا پسندیدہ اور کبیرہ گناہ ہے، اس لیے ایسے لباس جو انسان کو اس بیماری میں مبتلا کرتے ہیں ان سےمنع کر دیا ، مثلاََ ََ:مردوں کے لیے ریشم اور سونا۔شلوار، پاجامہ ، پینٹ یا چادر کوگھسیٹتے  ہوئے چلنامتکبر کی علامت خاص ہے جو آج بھی ہمارے معاشرے میں بآسانی دیکھی جا سکتی ہے۔ نبی آخر الزمان ﷺنے اس فعل کی قباحت و شناعت بیان کرتے ہوئے فرمایا[ماأسفل من الكعبين من الأزار في النار] ( (صحيح البخارى ، اللباس ، باب ماماأسفل من الكعبين فهو في النار،حدیث:5787 )   ْ ْ جو تہہ بند (شلوار ، پاجامہ،پینٹ) ٹخنوں سے نیچے ہو جائے جہنم میں(لے جاتا)ہے۔ اللہ تعالیٰ مسلمانوں کو ہدایت نصیب فرمائے۔آمین۔3 ۔زیب و زینت اور آرائش کے اظہار کے لئے سفید رنگ کے لباس کو پسند کیا گیا ہے، ارشاد رسول ہے:  [البسوا البياض فانها أطهر وأطيب وكفنوا فيها موتاكم ] (جامع الترمذی الادب،باب ما جاء فی لئس البیاض،حدیث:2810 )ْ ْسفید لباس پہنو، یہ بہت پاک اور صاف ہوتا ہے اور اسی میں تم اپنے مردوں کو کفناؤ۔ٗ ٗ4 ۔عورتوں کے لباس کے متعلق خصوصی ہدایات دی ہیں۔ عورتوں کے لباس میں پردے کا عنصر غالب ہونا چاہیے، چنانچہ ایسا لباس عمدہ مانا جائے گا جو زیادہ سے زیادہ سا تر (جسم کو ڈھانپنے والا) ہو۔ مسلمان عورتوں کو ایسا باریک ، شفاف یا فٹنگ والا لباس پہننے کی ممانعت ہے جس سے اعضأے جسم کی بے پردگی ہو۔ ارشاد باری تعالیٰ ہے:﴿يا أَيُّهَا النَّبِيُّ قُل لِأَزواجِكَ وَبَناتِكَ وَنِساءِ المُؤمِنينَ يُدنينَ عَلَيهِنَّ مِن جَلابيبِهِنَّ﴾ (الاحزاب 33 :59 ) ْ ْاے نبی ! اپنی بیویوں سے اور اپنی صاحبزادیوں سے اور مسلمانوں کی عورتوں سے کہہ دیجئے کہ وہ اپنے اوپر اپنی چادریں لٹکا لیا کریں۔ٗٗ ٗ نیز فرمایا:﴿وَليَضرِ‌بنَ بِخُمُرِ‌هِنَّ عَلىٰ جُيوبِهِنَّ ۖ وَلا يُبدينَ زينَتَهُنَّ إِلّا لِبُعولَتِهِنَّ ﴾ (النور 24: 31) ْ ْ اور اپنی اوڑھنیاں اپنے گریبانوں پر ڈالیں اور اپنی زینت کسی کے سامنے ظاہر نہ کریں سوائے اپنے خاوند کے۔ ٗ ٗ نبیﷺ نے ایسی عورتوں کے بارے میں سخت وعید  بیان فرمائی ہے جو اسلامی لباس کے آداب کو مد نظر نہیں رکھتیں بلکہ کفار کی مشابہت میں ایسا لباس زیب تن کرتی ہیں جو پردے کے تقاضسے پورے نہیں کرتا اور بے پردگی اور بے حیائے کا باعث بنتا ہے۔ ارشاد: ْ ْ میں نے جہنم کے دو گروہ نہیں دیکھے (میرے بعد نمودار ہوں گے)ان میں سے ایک گروہ وہ عورتیں ہیں جو لباس پہنے ہوئے ننگی ہوں گی(باریک، شفاف یا نہایت تنگ لباس پہنے ہوں گی۔)یہ عورتیں جنت میں داخل نہ ہوں گی، نہ جنت کی خوشبو انھیں آئے گی، حالانکہ اس کی خوشبو لمبے  فاصلے پر بھی آئے گی۔ٗٗٗ ٗ   (صحیح مسلم،اللباس و الزینتة،باب النساء الکامیات۔۔۔،حدیث:2128 )5۔اسلامی لباس کا ایک اور اہم اصول مردوزن کے لباس میں تمایاں فرق بھی ہے، لہذا مردوںکو عورتوں کا لباس اور عورتوں کو مردوں کا لباس پہننے کی سخت ممانعت ہے۔ حضرت ابوہریرہ ﷜ سے مروی ہے :[ لعن رسول الله ﷺ الرجل یلبس لبسة المراءۃ تلبس لبسة الرجل](سنن ابی داود،اللباس، باب فی لباس النساء ،حدیث: ۴۰۹۸ ، و مسند احمد :۲/۳۲۵ ) ْ ْرسول اللہ ﷺ نے ایسے مرد پر لعنت کی ہے جو عورتوں  جیسا لباس پہنتا ہے، اور ایسی عورت پر بھی جو مردوں جیسا لباس پہنتی ہے۔ٗ ٗ