طہارت کے لغوی معنی:لغت میں میل سے صاف ہونے اور عیب دار قول وفعل سے بری ہونے کا نام طہارت  ہے۔٭اصطلاحی تعریف:شریعت میں حدث اصغر ( بے وضو ہونے) کے بعد وضو کرنے اور حدث اکبر (جنبی ہونے) کے بعد غسل کرنے کو  طہارت   کہتے ہیں۔طہارت کی ضرورت واہمیت :اسلام طہارت  ونظامت کا دین ہے۔اس میں پیروکاروں کو نجاست اور گندگی سے دور رہنے کا حکم دیا جاتا ہے۔اسلام اپنے ماننے والوں کو جسم  لباس رہنے سہنے کی جگہ  کھانے پینے غرضیکہ تمام امور حیات میں طہارت وصفائی کا پابند بناتا ہے۔اللہ تعالی اپنے محبوب نبی اور  امت کے رہنما ومرشد کو صفائی و ستھرائی کا حکم دیتے ہوئے فرماتا ہے۔( وثيابك فطهر و الرجز فاهجر ) ( المدثر:74/5 4)  (اےنبی !) اپنے کپڑے صاف رکھیے اور گندگی سے دور رہیے۔ اسلام کا پہلا درس ہی ہے۔اسلام کے بنیادی اور اہم رکن نماز کے لیے رسول اللہﷺ نے طہارت کی شرط لگائی ہے۔اگر پہلے باوضو ہوتو دوبارہ  وضو  کرنے کی ترغیب دلائی صفائی کے اہتمام میں مسواک کی فضیلت و اہمیت واضح  فرمائی  پانی موجود  نہ ہوتو  تیمم مشروع فرما کر  سہولت مہیا کردی تاکہ مسلمان ہر حالت میں صفائی و ستھرائی کو اپنی زندگی کا لازمہ بنائیں۔اس طرح اسلام کا سارا نظام صفائی و ستھرائی پر منحصر ہے۔ نبی کریم ﷺ نے خود  اپنی ذات  کا شاندار اسوہ پیش کیا ہے آپ ہر نماز سے پہلے گھر داخل ہوتے ہوئے اور  صبح  بیدار  ہونے  کے بعد کثرت سے مسواک کرتے۔لباس  وجسم کی صفائی کا اہتمام فرماتےاور صحابہ ﷜ کو ترغیب دلاتے،مثلاً: ایک صحابی میلے کچیلے اور بوسیدہ کپڑے پہنے خدمت اقدس میں حاضر ہوا تو آپ نے پوچھا:کیا تمھارے پاس مال نہیں ہے؟  وہ کہنے لگا: کیوں نہیں اللہ تعالی نے ہر قسم کی نعمت ادا  کی ہوئی ہے۔رسول اللہ ﷺ نے فرمایا:  پھر تمھارے رہن سہن میں اللہ  تعالی کی نعمتوں کا ظہار بھی  ہونا چاہیے۔  (مجمع الزوائد:5/132 وسلسله الاحاديث الصحيحه: 3/319)اسلام کے روشن اور پاک صاف نظام کے مقابلے میں یہودیت عیسائیت ہندومت بدھ مت یا سکھ مت کو دیکھیں تو ان کی ساری زندگی غلاظت وگندگی میں نظر آتی ہے۔غسل و صفائی سے نا آشنایہ اقوام  پلیدی و نجاست کی پیداوار میں دن رات اضافے کا باعث بن رہی ہیں۔یہی وجہ ہے کہ ان کو اسلامی  نظام طیارت سے تعجب ہوتا ہے جیسا کہ ایک یہودی نے  حضرت سلمان فارسی ﷜    کوبطور طنز کہا: سنا ہے آپ کا رسول آپ کو رفع حاجت کے طریقے بھی سکھاتا ہے؟ حضرت سلمان فارسی رضی اللہ عنہ نے بغیر کسی خفت اور شرمندگی محسوس کیے کمال خود اعتمادی اور فخر وسرشاری سے جواب دیا: ہاں ہمارا نبی ہمیں ہر بات کی تعلیم دیتا ہے حتی کہ رفع حاجت کےآداب بھی سکھاتا  ہے۔اس پر یہودی نصاری اپنا منہ لے کر  رہ گئے۔دیکھیے: ( صحيح مسلم  الطهارۃ باب الاستطابه  حديث:٢٦٢) اسی تعلیم وتربیت کے سائے میں پرورش پانے والے صحابہ ﷜کی تعریف و توصیف خود رب العالمین نے بیان کی ہے۔ارشاد ہے:( فِيهِ رِجَالٌ يُحِبُّونَ أَنْ يَتَطَهَّرُوا وَاللَّهُ يُحِبُّ الْمُطَّهِّرِينَ) ( التوبه :٩/١-٨)  اس ( مسجد قباء) میں ایسے لوگ (نماز پڑھتے ) ہیں جو طہارت کو  بہت پسند کرتے ہیں اور اللہ تعالی طہارت کرنے والوں کو پسند کرتا ہے۔ یہ آیت کریمہ  اہل قباء  کی شان میں نازل ہوئی جو قضائے حاجت  کے بعد پانی سے استنجا کرتے تھے اور جنابت کے بعد غسل کرتے تھے۔اسلام کے اسی نظام  طہارت کی شان و اہمیت بیان کرتے ہوئے بیان کرتے ہوئے رسول کریم ﷺ فرماتے ہیں : ( الطهور شطر الايمان ) ( صحيح  مسلم  الطهاره  باب فضل الوضوء   حديث  : ٢٢٣)  طہارت نصف  ایمان ہے۔ اسلام کے نظام طہارت نے انسان  کے اشرف المخلوقات ہونے پر مہر  تصدیق کردی ہے جبکہ غیر مسلم اقوام  کے نظام ہائے حیات کو دیکھ  کر انسانیت شرمندہ     ہوجاتی ہے۔حیوانات اور ان کی زندگی میں کچھ فرق محسوس نہیں ہوتا اس لیے ہم بجا طور پر کہہ  سکتے ہیں  اسلام میں وہ نظام ہے جو پوری انسانیت کا رہنما اور قائد ہوسکتا ہے۔