لغوی معنی: ذبح کے لغوی معنی کاٹنا اور جانور کی روح نکالنا ہیں۔اصطلاحی تعریف:(ذبح حيوان مقدور عليه مباح اكله بقطع الخلقوم والمري) (الفقه الاسلامي و ادلته :3/648) " جو جانور انسان کی دسترس میں ہے اور ان کا کھانا حلال ہے ان کا حلق اور رگیں کاٹنا ذبح کہلاتا ہے۔٭ذبح اور نحر میں فرق: ذبح سے مراد حلق اور نر خرے کی رغیں کاٹنا ہے  جبکہ نحر سینے کے بالائی حصے لبہ میں چھرا گھونپنے کو کہتے ہیں۔اونٹ کو نحر اور دوسرے جانوروں کو ذبح کیا جاتا ہے۔نحر اور ذبح کا شرعی طریقہ  تفصیلاًآگے آرہا ہے۔٭ذبح کی حکمت:انسانی صحت کی حفاظت کے لیے ذبح کو مشروع کیا گیا ہے۔چونکہ خون کے اندر بے شمار مضر صحت جراثیم  گوشت کے ساتھ مل کر نقصان نہ پہنچائیں۔٭مشینی ذبیحہ: یہی وجہ ہے کہ مشینی ذبیحہ جائز نہیں ہے جس میں جھٹکے سے جانور کو ہلاک کردیا جاتا ہے۔اس میں اس کا خون اندر ہی رہتا ہے'باہر نہیں نکلتا۔بنا بریں ذبھ کا یہ طریقہ ناجائز اور اس قسم کے ذبیحہ کا  گوشت کھانا بھی حرام ہے۔*ذبح کرنے کا شرعی طریقہ: کوئی بھی جانور ذبح کرنے کے لیے حسب ذیل شرائط  مد نظر رکھنا ضروری ہیں:1۔ذبح کرنے والے کی اہلیت'یعنی وہ عاقل (باشعور ) مسلم ہو یا کتابی'یعنی  اس لکے والدین اہل کتاب میں سے ہوں۔2۔دوسری شرط آلہ ہے کہ اس آلہ کے ساتھجانور کو ذبح کرنا جائز ہے جو اپنی دھار کے ساتھ خون بہادے لیکن  دانت  اور ناخن  کے ساتھ ذبح کرنا جائز نہیں۔3۔تیسری شرط گلا کاٹنا ہے'گلے سے مراد سانس اور کھانے کی  رگیں ہیں۔نیز ذبح کرنے کی جگہ حلق اور لبہ ہےلبہ سے مراد وہ گڑھا ہے جو گردن کی جڑ اور سینے کے درمیان ہوتا ہے'اس کے علاوہ کسی اور جگہ سے ذبح کرنا جائزنہیں۔4۔چوتھی شرط اللہ کا نام لینا ہے'یعنی ذبح کرنےوالا ذبح کرنے کے لیے  جب اپنے ہاتھ  کو حرکت دےتووہ بسم الله الله اكبر پڑھے۔٭نحر کرنے کا شرعی طریقہ:اونٹ ذبح کرنے کا قرآن وسنت سے ثابت  شدہ طریقہ یہ ہے کہ  اسے کھڑا کرکے ذبح  کیا جائے۔ارشاد باری تعالی ہے۔(والبدن  جعلنها لكم من شعآئرالله لكم  فيها خير  فاذكروااسم الله عليها صواف ) (الحج 22:36)اور قربانی کے اونٹ   جنھیں ہم نے تمھارے لیے اللہ کی(عظمت کی)نشانیوں میں سے بنایا'تمھارے لیے ان میں بہت بھلائی ہے'لہذا (نحر کے وقت جب) وہ گھٹنا بندھے کھڑے ہوں تو اس حالت میں تم ان پر اللہ کا نام لو۔''حضرت ابن عباس ﷜(صواف )کی تفسیر میں فرماتے  کہ اس کے معنی (قياماً) کے ہیں'یعنی  کھڑے ہونے کی حالت  میں  اونٹ کو نحر کیا جائے۔(صحيح البخاري ’الحج ’باب نحر البدن قائمة) علاوہ ازیں اونٹ کی بائیں ٹانگ کو باندھ لیاجائےنبی اکرم ﷺ اور صحابہ کرام﷢قربانی کے موقع پر اونٹوں کو اسی طرح ذبح کرتے تھے۔حضرت جابر﷜ بیان کرتے ہیں کہ نبی اکرم ﷺاورآپ کے صحابہ رضی اللہ عنہ  اونٹ کو اس حالت میں ذبح  کرتے تھے کہ اس کا بایاں پاؤں بندھا ہوتا اور باقی ماندہ  تین پاؤں پر کھڑا ہوتا۔(سنن ابي داؤد’المناسك ’باب: كيف  تنحر البدن’حديث :1767) حضرت زیاد بن جبیر﷜ بیان کرتے ہیں کہ میں نے حضرت ابن عمر رضی اللہ عنہ کو دیکھا کہ وہ ایک شخص کے پاس تشریف لائے جس نے ذبح کرنے کے لیے اپنی اونٹنی کو  بٹھایا ہوا تھا۔آپ نے فرمایا:"اسے کھڑا کر کے باندھ لو'یہی حضرت محمد ﷺ کی سنت ہے۔"(۔(صحيح البخاري’الحج’باب النحر الابل مقيدة’حديث :1713)ذبح کے متعلق چند ضروری احکام:1۔اگر مادہ جانور کے پیٹ سے ایسا  بچہ نمودار ہو جس کی خلقت مکمل ہوچکی تھی تو اس کی ماں کو ذبح کرنے سے وہ بھی حلال ہوجائے گا۔2۔اگر ذبح کرتے وقت  بسم اللہ پڑھنا بھول جائے  تو ایسا جانور کھانا حلال ہے کیونکہ امت محمدیہ کو بھول چوک معاف ہے۔3۔اگر چھری کی تیزی کی وجہ سے جانور  کی گردن علیحدہ ہوجائے تو کچھ حرج نہیں۔4۔ایسا جانور جو چوٹ لگنے 'پہاڑ سے گرنے 'گلا گھٹنے یا بیماری کی حالت میں مل جائےاور اسے ذبح کرلیا جائے تو اسے کھانا حلال ہےلیکن اگر اس کی روح نکل چکی ہوتو پھر حرام ہے۔