صلاۃ کے لغوی معنی:  جمہور علماء لغت اور فقہاء کے نزدیک صلاۃ کے لغوی معنی"دعا"کے ہیں۔جیسے کہ فرمان باری تعالی ہے:(وصل عليهم) التوبة;9/ 103) "اور(آپ) ان کے لیے دعا کیجیے۔"جبکہ رسول اللہ ﷺ کا فرمان مبارک ہے:( اذادعي  احدكم الي طعام فليجب’غان كان صائما فليصل وان كان مفطرا فليطعم ) (صحيح  مسلم’النكاح’باب الامر باجابة الداعي اليدعوة  ’حديث:1431)’’جب  تم میں سے کسی کو کھانے کی دعوت دی جائے تو وہ قبول کرے'اگر روزے سے ہو تو (اہل خانہ کے لیے خیروبرکت کی) دعا کردے اور اگر روزے سے نہ ہوتوکھانا کھالے۔"٭ یہ بھی کہا گیا ہے کہ صلاة’صليت  سے مشتق ہے۔عرب کہتے ہیں:(صليت العود علي النار)"میں نے لکڑی کو آگ پر تپاکر سیدھاکیا۔" گویا نمازی بھی نماز پڑھنے سے سیدھا ہوجاتا ہے۔ ٭کچھ علماء لغت فرماتے ہیں کہ صلاۃ' صلوین سے مشتق ہے۔امام عینیؒ فرماتے ہیں: صلوين سے مراد سرین کی دو ابھری ہڈیاں ہیںاور چونکہ نمازی رکوع وسجود کرتے وقت ان دو ہڈیوں کو حرکت دیتا ہے،اس لیے  اس  کے اس  فعل کو صلاة  کہا جاتا ہے۔٭ بعض علماء کی رائے یہ ہے کہ  صلاة’المصلي  سے مشتق ہے۔مصلی گھڑ دوڑ میں دوسرے نمبر پر آنے والے گھوڑے کو کہتے ہیںکیونکہ اس کا منہ پہلے والے  گھوڑے کی سرین کی ہڈیوں کے قریب ہوجاتا ہے،٭بعض علماء کا  خیال ہے کہ صلاة كی اصل تعظیم ہے۔نماز کوصلاة اس لیے کہتے ہیں کیونکہ اس میں اللہ تعالی کی تعظیم ہے۔٭صلاۃ کے شرعی معنی :صلاۃ ان چند مخصوص اقوال وافعال کا نام ہے جو تکبیر  تحریمہ سے شروع ہوتے ہیں اور تسلیم یعنی سلام پھیرنے پر ختم کئے جاتے ہیں۔٭اللہ تعالی کے صلاۃ بھیجنے کے معنی :اللہ تعالی کو اپنی مخلوق پر صلاۃ بھیجنے کا مطلب رحمت کرنا ہے جیسا کہ حدیث مبارک میں ہے،حضرت ابن ابی اوفی ﷜ کہتے ہیں کہ مجھے میرے والد نے زکوۃ کا مال دیکر نبی کریمﷺ کی خدمت میں بھیجا تو آپ نے مال وصول کرکےآل ابی اوفی کے لیے دعا فرماتے ہوئے کہا:(الهم صل علي ال ابي اوفي) ":اے اللہ آل ابی اوفی پر رحمت نازل فرما۔''دیکھیے :الصحيح البخاري’الدعوات’باب هل يصلي علي غير النبي’’’’الخ حديث:٦٣٥٩)٭فرشتوں کا صلاۃ بھیجنا:فرشتوں کا صلاہ بھیجنے کے بعد مومن مردوں اور عورتوں کے لیے دعا استغفار اورورحمت کرنا ہے۔جیساکہ فرمانباری تعالی ہے:(هوالذي يصلي عليكم وملئكته) (الاحزاب:٤٣) "وہی (اللہ)ہے جو تم پر رحمت فرماتا ہےاور اس کے فرشتے دعا رحمت کرتے ہیں''امام ابن الاعرابی فرماتے ہیں:اللہ تعالی کی طرف سے صلاۃ کا مطلب رحمت نازل فرمانا ہے جبکہ مخلوق'مثلا:جنوں'فرشتوں'اور انسانوں کی صلاۃ'قیام'رکوع'سجود'دعا اور تسبیح ہے۔پرندوں اور کیڑے مکوڑے کی صلاۃ اللہ کی تسبیح بیان کرنا ہے۔٭اللهم صل علي محمد كا مطلب:نبی کریمﷺ پر صلاہ کا مطلب 'اللہ تعالی کا رحمت نازل فرمانا'دنیا میں آپ کی عزت وتکریم کو بلند کرنا'آپ کی شریعت کو دوام بخشاًاور آخرت میں شفاعت کبری اور اجروثواب کئی گنا بڑھا کر عطا کرناہے۔امام ابن قدامہ ؒفرماتے ہیں:شریعت میں نماز چند مخصوص افعال کانام ہے۔لہذا جب شرع میں نماز کا حکم آئے گا تو یہ حکم شرعی نماز پر لاگو نہ ہوگانہ کہ لغوی پر'نماز کتاب اللہ'سنت رسول اور اجماع امت سے واجب ہے۔قرآن کریم میں ارشاد باری تعالی ہے:( وما امروا الا ليعبدوالله مخلصين له الدين حنفاء و يقيمو الصلوة  و يؤةالز كوة وذلك دين القيمه) (البينه:598)"انھیں  اس کے سوا کوئی حکم نہیں دیا گیا کہ صرف اللہ کی عبادت کریں 'اس کے لیےدین کو خالص رکھیں۔یکسو ہوکر( اس کی بندگی کریں)اور نماز کو قائم رکھیں اور زکوۃ دیتے رہیں یہی ہے دین سیدھی ملت کا۔"جبکہ ارشاد نبوی ہے:(بني الاسلام علي خمس:شهادة ان الااله الالله وان محمدارسول اللهﷺ’واقام الصلوة’وايتاءالزكوةوصيام رمضان وحج البيت من استطاع اليه سبيلا)(صحيح البخاري ’الايمان’دعاؤكم ايمانكم۔ ۔۔۔الخ" حديث;٨)و صحيح مسلم’الايمان’باب بيان اركان الاسلام۔۔۔۔۔الخ'حدیث:16)"اسلام کی  بنیاد پانچ چیزوں پر ہے:یہ گواہی دیناکہ سوا کوئی معبود حقیقی نہیں'اور یہ کہ محمد (ﷺ) اللہ کے رسول ہیں'نماز قائم کرنا'زکوۃ دینا'رمضان کے روزے رکھنا اور صاحب استطاعت کا بیت اللہ کا حج کرنا۔'' امت کا اجماع ہے کہ نماز ارکان اسلام میں سےہے جسے ادا کرنا واجب ہے اور اس کی فرضیت کا منکر کافر ہے۔دیکھیے :(شرح سنن النسائی'المسمی زخیرۃ العقبی فی شرح المجتبی للشیخ الاتیویی'ص:513)نماز کی فضیلت واہمیت:نماز دین اسلام کے ارکان خمسہ میں سے ایک  اہم اور بنیادی رکن ہونے کے علاوہ قرب الہی کے حصول کا ایک بہترین ذریعہ ہے۔پیارے نبی ﷺ کی آنکھوں کی ٹھنڈک اور مومن کو دکھوں اور تکلیفوں سے نجات دینے والی ہے۔پریشانیوں اور مصائب میں مومن کا ہتھیار اور کامیاب وکامران ہونے والوں کےلیے جنت کی کنجی ہے جیساکہ ارشاد باری تعالی ہے:(واستعینوا بالصبر والصلوۃ) ( البقرہَ53۔2) "اللہ تعالی سے صبر اور نماز کے ساتھ مدد مانگو"ایک وفعہ رسول  اللہ ﷺ اپنے خادم خاص حضرت ربیعہ بن کعب اسلمی رضی اللہ عنہ کو خوش ہوکر فرماتے ہیں :"ربیعہ مانگو کیا مانگتے ہو؟ وہ عرض کرتے ہیں:اے اللہ کے رسول ﷺ!جنت میں آپ کی رفاقت چاہتا ہوں۔آپ نے فرمایا:ربیعہ! تو پھر کثرت سجود سے میری مدد کرو۔" (سنن ابی داؤد' التطوع باب وقت قیام النبی ﷺ من الیل'حدیث:1320) اس طرح رسول مقبول ﷺ نے اپنے خادم خاص  کو جنت میں رفاقت خاص کے حصول کی کنجی کی صورت میں عطا فرمائی۔نماز وہ عبادت ہے جس کا اہتمام پہلے انبیاء کرامﷺ بھی کرتے رہے ہیں۔حضرت ابراہیم ؑ  بارگاہ الہی میں دعا گو ہیں: (رب اجعلني مقيم الصلوة ومن ذريتي  ربناوتقبل دعآء) (ابراهيم:4/14)"اے میرے پروردگار مجھے اور میری اولاد کو نماز کا پابند بنا۔اے ہمارے رب!میری دعا قبول فرما۔"اور حضرت اسماعیل ؑ کے اوصاف حسنہ میں نماز کی ادائیگی اور اپنی اولاد کو اس کی تلقین کرنا بھی شامل ہے۔ارشاد ہے:(وكان يامر اهله بالصلوة) (مريم;55‘19) "وہ اپنے گھر والوں کو نماز کا حکم دیتے تھے۔"نماز قائم کرنا اور اسے خشوع وخضوع سے ادا کرنا'جماعت کی پابندی کرنا اور مسجدوں کواپنے سجدوں سے آباد کرنا'اہل ایمان کی علامت اور خوبی ہے'جبکہ نماز میں کوتاہی کرنا'اسے ضائع کرنا اور مسجدوں کو بے آباد اور ویران  بنانا منافقوں کی نشانی ہے جو ہلاک وبرباد ہونے والے ہیں ۔فرمان باری تعالی ہے:(قد افلح المومنون الذين هم في الصلوتهم خاشعون) (المومنون:23/ 1۔2) ؛یقینا ایمان والوں نے فلاح حاصل کرلی جو اپنی نماز میں خشوع کرتے ہیں۔" اور منافقین کا حال بیان کرتے ہوئے فرمایا: (واذا قاموا الي الصلوة قاموا كسالي يراءون الناس ولا يذكرون الله الا قليلا) (النساء:  4/ 142)"اور جب نماز کے لیے کھڑے ہوتے ہیں تو بڑی کاہلی کی حالت میں کھڑے ہوتے ہیں۔صرف لوگوں کو دکھاتے ہیں اور یادالہی تو بس برائے نام ہی کرتے ہیں۔"امام الانبیاء کا اسوۃ مبارکہ دیکھیں تو پوری زندگی نماز سے روشن وتابندہ نظر آتی ہے۔حالت امن ہو یا جنگ'مقیم ہو یا مسافر'گرمی ہو یا سردی 'تندرستی ہو یا بیماری 'ہر حالت میں نماز سے اپنی  آنکھیں ٹھنڈی کرتے  نظر آتے ہیں۔فرض نمازوں کے علاوہ 'اللہ تعالی کی رضا اور خوشنودی کے حصول کے لیے'کبھی  تہجد ادا کرتے دکھائی دیتے ہیں تو کبھی نماز اشراق'کبھی تحیۃ الوضوتو کبھی تحیۃ المسجد۔حیات طیبہ کے آخری دنوں میں حالت مرض میں بھی جس چیز کی انتہائی فکر ہوتی ہے وہ نماز ہی تھی۔بے ہوشی سے افاقہ ہوتا تو فوراً دریافت یہ فرمائی:( الصلاة وما  ملكت ايمانكم ) (سنن ابن ماجه الجنائز’باب ماجاء في ذكر مرض رسول الله ﷺ'حدیث؛1625)ومسند احمد:290۔6) اس سے نماز کی اہمیت روز روشن کی طرح عیاں ہے۔نماز جس قدر  اہم ہے'اسی طرح اس کا طریقہ ادائیگی  بھی نہایت اہم ہے۔امنے من مانے اور من گھڑت طریقوں سے ادا کی ہوئی نماز قطعاً قابل قبول نہ ہوگی بلکہ نماز کی قبولیت کے لیے شرط ہے کہ یہ نبی ﷺ کے اسوہ مبارکہ کے عین مطابق ہو۔فرمان نبوی ہے: (صلوا كما رايتموني اصلي) (صحيح البخاري’الاذان باب الاذان للمسافرين۔ ۔الخ'حدیث:631)"نماز اس طرح ادا کرو جس طرح تم نے مجھے ادا کرتے ہوئے دیکھا ہے۔"لہذا نماز کو تمام سنن مبارکہ'واجبات اور مستحباب کے ساتھ ادا کرنا ضروری ہے۔کسی بھی سنت مبارکہ کو کمتر اور حقیر سمجھتے ہوئےیا جاہلانہ تاویلات کا سہارا لے کر  ترک  کرنا انتہائی جسارت ہوگی۔ جو نماز سنت  نبوی  کے مطابق ہوگی اس کے اجر وثواب کا اندازہ پیارے نبی ﷺ کے اس فرمان سے بخوبی لگایا جاسکتا ہے:حضرت ابو ہریرہ سے روایت ہے 'رسول اللہ ﷺ فرماتے ہیں:"تمھارا کیا خیال ہے اگر تم میں سے کسی کے دروازے پر نہر بہتی ہواور وہ اس نہر میں  روزانہ پانچ مرتبہ نہائے'تو کیا اس کے بدن پر کوئی میل کچیل باقی نہیں رہے گا۔آپ ﷺ نے فرمایا:"پانچوں نمازوں کی مثال بھی ایسے ہی ہے۔اللہ تعالی ان نمازوں کے ذریعے سے گناہ مٹادیتا ہے۔''(الصحيح البخاري’مواقيت الصلاة’ الصلوات  الخمس كفارة ’حديث;568’ وصحيح مسلم ’المساجد’باب المشي الي الصلوة ...الخ'حدیث:667)