التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ فَضَائِلِ القُرْآنِ (بَابُ كَيْفَ نَزَلَ الوَحْيُ، وَأَوَّلُ مَا نَزَلَ)

حکم : أحاديث صحيح البخاريّ كلّها صحيحة 

ترجمة الباب: قَالَ ابْنُ عَبَّاسٍ: " المُهَيْمِنُ: الأَمِينُ، القُرْآنُ أَمِينٌ عَلَى كُلِّ كِتَابٍ قَبْلَهُ "

4980. حَدَّثَنَا مُوسَى بْنُ إِسْمَاعِيلَ حَدَّثَنَا مُعْتَمِرٌ قَالَ سَمِعْتُ أَبِي عَنْ أَبِي عُثْمَانَ قَالَ أُنْبِئْتُ أَنَّ جِبْرِيلَ أَتَى النَّبِيَّ صَلَّى اللَّهُ عَلَيْهِ وَسَلَّمَ وَعِنْدَهُ أُمُّ سَلَمَةَ فَجَعَلَ يَتَحَدَّثُ فَقَالَ النَّبِيُّ صَلَّى اللَّهُ عَلَيْهِ وَسَلَّمَ لِأُمِّ سَلَمَةَ مَنْ هَذَا أَوْ كَمَا قَالَ قَالَتْ هَذَا دِحْيَةُ فَلَمَّا قَامَ قَالَتْ وَاللَّهِ مَا حَسِبْتُهُ إِلَّا إِيَّاهُ حَتَّى سَمِعْتُ خُطْبَةَ النَّبِيِّ صَلَّى اللَّهُ عَلَيْهِ وَسَلَّمَ يُخْبِرُ خَبَرَ جِبْرِيلَ أَوْ كَمَا قَالَ قَالَ أَبِي قُلْتُ لِأَبِي عُثْمَانَ مِمَّنْ سَمِعْتَ هَذَا قَالَ مِنْ أُسَامَةَ بْنِ زَيْدٍ

مترجم:

ترجمۃ الباب:

‏‏‏‏ ابن عباس ؓ نے کہا کہ «المهيمن» امین کے معنی میں ہے۔ قرآن اپنے سے پہلے کی ہر آسمانی کتاب کا امانت دار اور نگہبان ہے۔تشریح:قرآن مجید کے مھین امانتدار نگہبان ہونے کا مطلب یہ ہے کہ پہلی کتابوں توراۃ‘زبور‘انجیل میں جو کچھ ان کے ماننے والوں نے تحریف کر ڈالی ہے قرآن مجید اس تحریف کی نشاندہی کر کےاصل مضمون کی طرف آگاہی بخشتا ہے ایک مثال سے یہ بات تو سمجھ میں آجائے گی توراۃ کا موجودہ کا بیان ہے کہ حضرت موسیٰ ؑ کا ہاتھ سفید اس لئے تھا کہ آپ کو ہاتھ میں برص کی بیماری لگ گئی تھی یہ بیان بالکل غلط ہے قرآن مجید نے اس غلط بیانی یک تردید کر کے تخرج بیضاء من غیر سوء‘‘ کے الفاظ مبارکہ میں حقیقت حال سے آگاہ کیا ہے یعنی حضرت موسیٰ کا ہاتھ بطور معجزہ سفید ہو جایا کرتا تھا اس میں کوئی بیماری نہیں لگی تھی توراۃ زبور انجیل کی ایسی بہت سی مثالیں بیان کی جا سکتی ہیں اس لحاظ سے قرآن مجید مھین یعنی صحف سابقہ کی اصلیت کا بھی نگہبان ہے وحی نازل ہونے کی تفصیلات پارہ اول میں ملاحظہ کی جا سکتی ہیں۔

4980.

سیدنا ابو عثمان (نہدی) سے روایت ہے : مجھے بتایا گیا کہ ایک مرتبہ حضرت جبریل ؑ نبی ﷺ کے پاس آئے اور آپ سے باتیں کرنے لگے۔ اس وقت سیدنا ام سلمہ ؓ بھی آپ کے پاس موجود تھیں۔ آپ ﷺ نے ان سے پوچھا: ”یہ کون ہیں؟“ ام المومنین ؓ نے عرض کی: یہ دحیہ کلبی ہیں۔ جب وہ چلے گئے تو انھوں نے کہا : اللہ کی قسم! میں نے انھیں دحیہ کلبی ہی خیال کیا تھا حتیٰ کہ میں نے نبی ﷺ کا خطبہ سنا کہ آپ سیدنا جبریل ؑ کی خبر ذکر کر رہے تھے۔ (راوی حدیث معتمر کہتے ہیں : ) میرے والد نےابو عثمان سے پوچھا کہ آپ نے یہ حدیث کس سے سنی تھی؟ سیدنا اسامہ بن زید ؓ سے۔

×
ترجمۃ الباب:

حضرت ابن عباس رضی اللہ عنہا نے کہا: المھین امین کے معنی میں ہے۔ قرآن اپنے سے پہلی ہر آسمانی کتاب کا امین اور نگہبان ہے

وضاحت: قرآن کے نگہبان ہونے کا مطلب یہ ہے کی کتب سماویہ میں جو کچھ ان کے ماننے والوں نے تحریف کی ہے قرآن کریم اس کی نشاندہی کر کے اصل مضمون سے آگاہی بخشتا ہے مثلاً: موجودہ تورات میں ہے کہ موسٰی علیہ السلام کا ہاتھ برص کی بیماری کی وجہ سے سفید تھا جبکہ قرآن میں ہے کہ موسیٰ علیہ السلام کا ہاتھ بطور معجزہ سفید ہوجاتا تھا اور اس میں کوئی بیماری نہ تھی قرآن میں ہے۔ ”اور اپنا ہاتھ اپنے گریبان میں داخل کرو کسی کے بغیر چمکتا ہوا نکلے گا۔“ اس اعتبار سے قرآن مجید ”مہیمن“ ہے۔ یعنی سابقہ کتب سماویہ کانگہبان اور پاسبان ہے واللہ اعلم۔


حدیث ترجمہ:

ہم سے موسی بن اسماعیل نے بیان کیا‘ کہا ہم سے معتمر بن سلیمان نے‘ کہا کہ میں نے اپنے والد سے سنا‘ ان سے ابو عثمان مہدی نے بیان کیا کہ مجھے معلوم ہوا ہے کہ حضرت جبریل ؑ نبی کریم ﷺ کے پاس آئے اور آپ سے بات کرنے لگے۔ اس وقت ام المؤمنین ام سلمہ ؓ آپ کے پاس موجود تھیں آنحضرت ﷺ نے ان سے پوچھا کہ جانتی ہو یہ کون ہیں؟ یا اسی طرح کے الفاظ آپ نے فرمائے۔ ام المؤمنین نے کہا کہ دحیہ الکلبی ہیں، جب آپ کھڑے ہوئے حضرت ام سلمہ ؓ نے بیان کیا خدا کی قسم! اس وقت بھی میں انہیں دحیہ الکلبی سمجھتی رہی۔ آخر جب میں نے نبی کریم ﷺ کا خطبہ سنا جس میں آپ نے حضرت جبریل  کے آنے کی خبر سنائی تب مجھے حال معلوم ہوا یا اسی طرح کے الفاظ بیان کئے۔ معتمر نے بیان کیا کہ میرے والد (سلیمان) نے کہا‘ میں نے ابو عثمان مہدی سے کہا کہ آپ نے یہ حدیث کس سے سنی تھی؟ انہوں نے بتایا کہ حضرت اسامہ بن زید‬ ؓ س‬ے۔

حدیث حاشیہ:

دحیہ الکلبی ایک خوبصورت صحابی تھے حضرت جبریل علیہ السلام جب آدمی کی صورت میں آنحضرت صلی اللہ علیہ وسلم کے پاس آتے تو ان ہی کی صورت میں آیا کرتے تھے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم5019
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)4980
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)4597
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)4980
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)4695
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4782
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)4980
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)4980
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)4980

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

ارشاد باری تعالیٰ ہے:" اور ہم نے آپ پر مبنی برحق کتاب نازل کی ہے جو اپنے سے پہلی کتاب کی تصدیق کرتی ہے اور اس کی جامع ونگران بھی ہے۔"(المآئدۃ ۔5/48)اس آیت کریمہ کے مطابق قرآن کریم اپنے سے پہلے اترنے والی کتابوں کی تصدیق بھی کرتا ہے اور ان کا محافظ ونگران بھی ہے،یعنی دوسری کتابوں کے لیے کسوٹی ہے،مثلاً:©۔اگرگذشتہ کتابوں میں کوئی مضمون قرآن کریم کے مطابق ہے تو وہ حق ہے۔©۔اگر کوئی مضمون قرآن کے خلاف ہو تو وہ تحریف شدہ ہے،جیسے عقیدہ تثلیث۔©۔جس کے متعلق قرآن خاموش ہے اس کے متعلق مسلمانوں کو بھی خاموش رہنے کا حکم ہے۔قرآن کے نگہبان ہونے کامطلب یہ ہے کہ آسمانی کتابوں میں جو کچھ ان کےماننے والونے تحریف کی ہے قرآن کریم اس کی نشاندہی کرکے اصل مضمون سے آگاہی بخشتا ہے،مثلاً: موجودہ تورات میں ہے کہ موسیٰ علیہ السلام کا ہاتھ برص کی بیماری کی وجہ سے سفید تھا جبکہ قرآن میں ہے کہ موسیٰ علیہ السلام کاہاتھ بطور معجزہ سفید ہوجاتا تھا اور اس میں کوئی بیماری نہ تھی،قرآن میں ہے:"اپنا ہاتھ اپنے گریبان میں داخل کرو وہ کسی مرض کے بغیر چمکتا ہوا نکلے گا۔"(النمل:12/27) اس اعتبار سے قرآن مجید"مُهَيْمِن" ہے،یعنی سابقہ آسمانی کتب کا نگہبان اور پاسبان ہے۔واللہ اعلم۔

تمہید کتاب

×

قرآن کریم اللہ تعالیٰ کا لازوال کلام ہے،جس میں باطل کسی طرف سے راہ نہیں پاسکتا۔ارشاد باری تعالیٰ  ہے:"یہ ایک زبردست کتاب ہے جس میں باطل نہ آگے سے راہ پاسکتا ہے اور نہ پیچھے سے ،یہ دانا قابل تعریف اللہ کی طرف سے نازل شدہ ہے۔"(حٰم السجدۃ 43/41۔42)یہ کلام خود خالق کائنات کا ہے جس کا علم لامحدود ہے ۔حضرت جبرئیل علیہ السلام  کے ذریعے سے اسے نازل کیا گیا جو قوی بھی ہیں اور امین بھی۔اور جس پر نازل ہوا وہ صادق ومصدوق ہیں۔پھر اس کی حفاظت کی ذمے داری کو خود اللہ رب العزت نے اٹھائی ہے،چنانچہ نزول کے بعد اسے اوراق اور سینوں میں محفوظ کرلیا گیا،اس لیے اس قرآن میں کمی بیشی کرنے کو کسی میں ہمت نہیں ہے اور نہ باطل کسی طرف سے دخل اندازی ہی کرسکتا ہے۔پھر یہ قرآن ایمان لانے والوں کے لیے ہدایت وشفااور نہ ماننے والوں کے لیے گمراہی اور اس میں اضافے کا باعث ہے۔ارشاد باری تعالیٰ ہے:"آپ کہہ دیں ،یہ قرآن ایمان لانے والوں کے لیے ہدایت اور شفا ہے اور جو ایمان نہیں لاتے ان کے کانوں میں بوجھ اور آنکھوں  پر پٹی ہے۔"(حٰم السجدۃ 41/44)قرآن اس لیے نازل کیا گیا کہ اہل ایمان اس پر عمل کریں ،زندگی سنواریں ،آخرت بنائیں،اس کے حلال کو حلال اور اس کے حرام کوحرام سمجھیں اور اس کی تلاوت کریں تاکہ قیامت کے دن اللہ تعالیٰ کے ہاں ان کے لیے حجت اور سفارش ہو۔رسول اللہ صلی اللہ علیہ وسلم  نے فرمایا:"یہ قرآن تیرے لیے نجات کی دلیل یا تیرے خلاف حجت ہوگا۔"(صحیح مسلم الطھارۃ حدیث 534(223)جوشخص قرآن پڑھے گا اور اس پر عمل کرے گا اللہ تعالیٰ نے اس کے متعلق ضمانت دی ہے کہ وہ دنیا میں گمراہ نہیں ہوگا اور نہ آئندہ قیامت کے دن مصیبت میں ہی پڑے گا ارشاد باری تعالیٰ ہے:" جس نے میری ہدایت کی پیروی کی وہ گمراہ نہیں ہوگا اور نہ بدبخت ہی ہوگا۔"(طٰہ:20/123)اور جس نے اس سے روگردانی کی اس  کی دنیا تنگ وتاریک کردی جائے گی اور آخرت میں اسے نابینا اٹھایا جائے گا۔ارشادباری تعالیٰ ہے:" جو میرے ذکر(قرآن) سے منہ موڑ لے گا تو اس کی زندگی تنگ پڑ جائے گی اور قیامت کے دن ہم اسے اندھا کرکے اٹھائیں گے۔"(طہٰ 20/124)لہذا بندہ مسلم کو چاہیے کہ وہ قرآن مجید کے فضائل ومناقب کے ساتھ اس کے حقوق وآداب کو بھی مد نظر رکھے۔امام بخاری رحمۃ اللہ علیہ  نے امت مسلمہ کی رہنمائی کرتے ہوئے اس عظیم ذمے داری کو اٹھایا ہے اور اس کا حق ادا کیا ہے۔اگرچہ بظاہر یہ عنوان"فضائل قرآن" سے متعلق ہے لیکن امام بخاری رحمۃ اللہ علیہ  نے بہت سے عنوانات اس عنوان کے تحت بیان کیے ہیں۔اب ضرورت اس امر کی ہے کہ ہم اسے حرز جان بنائیں تاکہ ہم قیامت کے دن اللہ تعالیٰ کےحضور سرخروہوں اور قرآن کریم کی سفارش کے حق دار بن جائیں۔امام بخاری رحمۃ اللہ علیہ  نے جن مضامین کو بیان کیا ہے اس کی تفصیل حسب ذیل ہے:© نزول قرآن © جمع قرآن ©کتابت قرآن ©احرف قرآن © تالیف قرآن © فضائل قرآن © اعجاز قرآن © آداب قرآن۔آداب قرآن میں درج ذیل امور کا احاطہ کیا ہے:© تلاوت قرآن © ترتیل قرآن © حفظ قرآن © تعلیم قرآن © عمل بالقرآن © دعوتِ قرآن۔امام بخاری رحمۃ اللہ علیہ  نے اس سلسلے میں ایک کم سو(99) احادیث کا انتخاب کیاہے،جن میں اسے انیس(19) معلق اور اَسّی(80) متصل سند سے بیان کی ہیں۔ان میں تہتر(73) مکرر اور باقی خالص ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین  اور تابعین عظام رحمۃ اللہ علیہ  سے مروی سات(7) آثار بھی پیش کیے ہیں۔آپ نے ان احادیث وآثارپر تقریباً سینتیس(37) چھوٹے چھوٹے عنوان قائم کیے ہیں۔ان عنوانات کو پڑھنے کے بعد پتاچلتا ہے کہ امام بخاری رحمۃ اللہ علیہ  فقیہ امت ہی نہیں بلکہ ایک مصلح امت بھی ہیں۔اب یہ ہماری  ذمے داری ہے کہ قرآن کریم کو پڑھیں اور اس کی تعلیمات پر عمل کریں تاکہ قیامت کے دن اس کی سفارش کے حقدار بن سکیں۔حدیث میں ہے:" قرآن پڑھا کرو بے شک وہ قیامت کے دن اپنے پڑھنے والوں اور عمل کرنے والوں کے لیے سفارشی بن کرآئے گا۔"(صحیح مسلم صلاۃ المسافرین وقصرھا حدیث 1874(804)نیز رسول اللہ صلی اللہ علیہ وسلم  کا ارشادگرامی ہے:" قیامت کے دن قرآن اور ان لوگوں کو لایاجائے گا جو دنیا میں اس پر عمل کرتے تھے ،سورہ بقرہ اور سورہ آل عمران آگے آگے ہوں گی جو ان لوگوں کی نجات کے لیے اللہ کے حضور سفارش کریں گے۔"(صحیح مسلم صلاۃ المسافرین وقصرھا حدیث 1876(805)قرآن کریم نے ان لوگوں کا سخت نوٹس لیا ہے جو اسے نظر انداز کرتے ہیں۔ارشاد باری تعالیٰ ہے:"اور رسول کہیں گے:میرے رب! میری قوم کے یہی لوگ ہیں جنھوں نے اس قرآن کو چھوڑ رکھاتھا۔"(الفرقان:25/30)قرآن کریم کو چھوڑنے کی کئی قسمیں ہیں،مثلاً:اس پر ایمان نہ لانا،قرآن کی تلاوت نہ کرنا،اس کاسننا چھوڑ دینا،اس میں غور وفکر نہ کرنا،اس کی تعلیمات پر عمل نہ کرنا،اس کی دعوت نہ دینا اور اس کے مطابق فیصلے نہ کرنا۔الغرض یہ تمام قرآن چھوڑدینے کی قسمیں ہیں۔ہمیں چاہیے کہ اللہ تعالیٰ کی کتاب کے ساتھ مضبوط تعلق پیدا کریں تاکہ قیامت کے دن اللہ کے رسول صلی اللہ علیہ وسلم  کے اس استغاثے کی زدمیں نہ آئیں۔

تمہید باب عربی

×

تمہید کتاب عربی

×