التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ التَّعْبِيرِ (بَابُ رُؤْيَا أَهْلِ السُّجُونِ وَالفَسَادِ وَالشِّرْكِ)

حکم : أحاديث صحيح البخاريّ كلّها صحيحة 

ترجمة الباب: لِقَوْلِهِ تَعَالَى: {وَدَخَلَ مَعَهُ السِّجْنَ فَتَيَانِ قَالَ أَحَدُهُمَا إِنِّي أَرَانِي أَعْصِرُ خَمْرًا وَقَالَ الآخَرُ إِنِّي أَرَانِي أَحْمِلُ فَوْقَ رَأْسِي خُبْزًا تَأْكُلُ الطَّيْرُ مِنْهُ نَبِّئْنَا بِتَأْوِيلِهِ إِنَّا نَرَاكَ مِنَ المُحْسِنِينَ. قَالَ لاَ يَأْتِيكُمَا طَعَامٌ تُرْزَقَانِهِ إِلَّا نَبَّأْتُكُمَا بِتَأْوِيلِهِ قَبْلَ أَنْ يَأْتِيَكُمَا ذَلِكُمَا مِمَّا عَلَّمَنِي رَبِّي إِنِّي تَرَكْتُ مِلَّةَ قَوْمٍ لاَ يُؤْمِنُونَ بِاللَّهِ وَهُمْ بِالْآخِرَةِ هُمْ كَافِرُونَ وَاتَّبَعْتُ مِلَّةَ آبَائِي إِبْرَاهِيمَ وَإِسْحَاقَ وَيَعْقُوبَ مَا كَانَ لَنَا أَنْ نُشْرِكَ بِاللَّهِ مِنْ شَيْءٍ ذَلِكَ مِنْ فَضْلِ اللَّهِ عَلَيْنَا وَعَلَى النَّاسِ وَلَكِنَّ أَكْثَرَ النَّاسِ لاَ يَشْكُرُونَ يَا صَاحِبَيِ السِّجْنِ أَأَرْبَابٌ مُتَفَرِّقُونَ} وَقَالَ الفُضَيْلُ: عِنْدَ قَوْلِهِ {يَا صَاحِبَيِ السِّجْنِ أَأَرْبَابٌ مُتَفَرِّقُونَ خَيْرٌ أَمِ اللَّهُ الوَاحِدُ القَهَّارُ. مَا تَعْبُدُونَ مِنْ دُونِهِ إِلَّا أَسْمَاءً سَمَّيْتُمُوهَا أَنْتُمْ وَآبَاؤُكُمْ مَا أَنْزَلَ اللَّهُ بِهَا مِنْ سُلْطَانٍ إِنِ الحُكْمُ إِلَّا لِلَّهِ أَمَرَ أَنْ لاَ تَعْبُدُوا إِلَّا إِيَّاهُ ذَلِكَ الدِّينُ القَيِّمُ وَلَكِنَّ أَكْثَرَ النَّاسِ لاَ يَعْلَمُونَ. يَا صَاحِبَيِ السِّجْنِ أَمَّا أَحَدُكُمَا فَيَسْقِي رَبَّهُ خَمْرًا وَأَمَّا الآخَرُ فَيُصْلَبُ فَتَأْكُلُ الطَّيْرُ مِنْ رَأْسِهِ قُضِيَ الأَمْرُ الَّذِي فِيهِ تَسْتَفْتِيَانِ. وَقَالَ لِلَّذِي ظَنَّ أَنَّهُ نَاجٍ مِنْهُمَا اذْكُرْنِي عِنْدَ رَبِّكَ فَأَنْسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ. وَقَالَ المَلِكُ إِنِّي أَرَى سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنْبُلاَتٍ خُضْرٍ وَأُخَرَ يَابِسَاتٍ يَا أَيُّهَا المَلَأُ أَفْتُونِي فِي رُؤْيَايَ إِنْ كُنْتُمْ لِلرُّؤْيَا تَعْبُرُونَ قَالُوا أَضْغَاثُ أَحْلاَمٍ وَمَا نَحْنُ بِتَأْوِيلِ الأَحْلاَمِ بِعَالِمِينَ وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَا أُنَبِّئُكُمْ بِتَأْوِيلِهِ فَأَرْسِلُونِ يُوسُفُ أَيُّهَا الصِّدِّيقُ أَفْتِنَا فِي سَبْعِ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعِ سُنْبُلاَتٍ خُضْرٍ وَأُخَرَ يَابِسَاتٍ لَعَلِّي أَرْجِعُ إِلَى النَّاسِ لَعَلَّهُمْ يَعْلَمُونَ} (قَالَ تَزْرَعُونَ سَبْعَ سِنِينَ دَأْبًا فَمَا حَصَدْتُمْ فَذَرُوهُ فِي سُنْبُلِهِ إِلَّا قَلِيلًا مِمَّا تَأْكُلُونَ) {ثُمَّ يَأْتِي مِنْ بَعْدِ ذَلِكَ سَبْعٌ شِدَادٌ يَأْكُلْنَ مَا قَدَّمْتُمْ لَهُنَّ إِلَّا قَلِيلًا مِمَّا تُحْصِنُونَ ثُمَّ يَأْتِي مِنْ بَعْدِ ذَلِكَ عَامٌ فِيهِ يُغَاثُ النَّاسُ وَفِيهِ يَعْصِرُونَ وَقَالَ المَلِكُ ائْتُونِي بِهِ فَلَمَّا جَاءَهُ الرَّسُولُ قَالَ ارْجِعْ إِلَى رَبِّكَ} [يوسف: 49] وَادَّكَرَ: افْتَعَلَ مِنْ ذَكَرَ، أُمَّةٍ: قَرْنٍ، وَتُقْرَأُ: أَمَهٍ: نِسْيَانٍ وَقَالَ ابْنُ عَبَّاسٍ: يَعْصِرُونَ: الأَعْنَابَ وَالدُّهْنَ، تُحْصِنُونَ: تَحْرُسُونَ

6992. حَدَّثَنَا عَبْدُ اللَّهِ حَدَّثَنَا جُوَيْرِيَةُ عَنْ مَالِكٍ عَنْ الزُّهْرِيِّ أَنَّ سَعِيدَ بْنَ الْمُسَيَّبِ وَأَبَا عُبَيْدٍ أَخْبَرَاهُ عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَوْ لَبِثْتُ فِي السِّجْنِ مَا لَبِثَ يُوسُفُ ثُمَّ أَتَانِي الدَّاعِي لَأَجَبْتُهُ

مترجم:

ترجمۃ الباب:

اللہ تعالیٰ نے فرمایا کہ ” اور ( یوسف) کے ساتھ جیل خانہ میں دو اور جوان قیدی داخل ہوئے ۔ ان میں سے ایک نے کہا کہ میں خواب میں کیا دیکھتا ہوں کہ میں انگور کا شیرہ نچوڑ رہا ہوں اور دسرے نے کہا کہ میں کیا دیکھتا ہوں کہ اپنے سر پر خوان میں روٹیاں اٹھائے ہوئے ہوں ‘ اس میں سے پرندے نوچ نوچ کر کھا رہے ہیں ۔ آپ ہم کو ان کی تعبیر بتائےے‘ بیشک ہم تو آپ کو بزرگوں میں سے پاتے ہیں ؟ وہ بولے جو کھانا تم دونوں کے کھانے کے لیے آتا ہے وہ ابھی آنے نہ پائے گا کہ میں اس کی تعبیر تم سے بیان کردوں گا ۔ اس سے پہلے کہ کھا نا تم دونوں کے پاس آئے یہ اس میں سے ہے جس کی میرے پرودگار نے مجھے تعلیم دی ہے میں تو ان لوگوں کا مذہب پہلے ہی سے چھوڑ ے ہوئے ہوں جو اللہ پر ایمان نہیں رکھتے اور آخرت کے وہ انکاری ہیں اور میں نے تو اپنے بزرگوں ابراہیم اور یعقوب اور اسحاق کا دین اختیار کر رکھا ہے ۔ ہم کو کسی طرح لائق نہیں کہ اللہ کے ساتھ ہم کسی کو بھی شریک قرار دیں۔ یہ اللہ کا فضل ہے کہ ہمارے اوپر اور کل لوگوں کے اوپر لیکن اکثر لوگ اس نعمت کا شکر ادا نہیں کرتے ۔ اے میرے قیدی بھائیو! جدا جدا بہت سے معبود اچھے یا اللہ ! اکیلا اچھا جو سب پر غالب ہے ؟ تو لوگ تو اسے چھوڑ کر بس چند فرضی خداؤں کی عبادت کرتے ہو جن کے نام تم نے اور تمہارے باپ دادوں نے رکھ لیے ہیں ۔ اللہ نے کوئی بھی دلیل اس پر نہیں اتاری ۔ حکم صرف اللہ ہی کا ہے ۔ اسی نے حکم دیا ہے کہ سوا اس کے کسی کی پوجا پاٹ نہ کرو ۔ یہی دین سیدھا ہے لیکن اکثر لوگ علم نہیں رکھتے ۔ اے میرے دوستو! تم میں سے ایک تو اپنے آقا کو شراب ملازم بن کر پلا یا کرے گا اور رہا دوسرا تو اسے سولی دی جائے گی ۔ پھر اس کے سر کو پرندے کھائیں گے ۔ وہ کام اسی طرح لکھا جاچکا ہے جس کی بابت تم دونوں پوچھ رہے ہو اور دونوں میں سے جس کے متعلق رہائی کا یقین تھا اس سے کہا کہ میرا بھی ذکر اپنے آقا کے سامنے کردینا لیکن اسے اپنے آقا سے ذکر کرنا شیطان نے بھلا دیا تو وہ جیل خانہ میں کئی سال تک رہے اور بادشاہ نے کہا کہ میں خواب میں کیا دیکھتا ہوں کہ سات موٹی گائیں ہیں اور انہیں کھائے جاتی ہیں سات دبلی گائیں اور سات بالیاں سبز اور سات ہی خشک ۔ اے سردارو ! مجھے اس خواب کی تعبیر بتاؤ اگر تم خواب کی تعبیر دے لیتے ہو ۔ انہوں نے کہا کہ یہ تو پریشان خواب ہیں اور ہم پریشان خوابوں کی تعبیر کے ماہر نہیں ہیں اور دو قیدیوں میں سے جس کو رہائی مل گئی تھی وہ بولا اور اسے ایک مدت کے بعد یاد پڑا کہ میں ابھی اس کی تعبیر لائے دیتا ہوں ‘ ذرا مجھے جانے دیجئے ۔ اے یوسف! اے خوابوں کی سچی تعبیر دینے والے ! ہم لوگوں کو مطلب تو بتائےے ا س خواب کا کہ سات گائیں موٹی ہیں اور نہیں سات دبلی گائیں کھائے جاتی ہیں اور سات بالیاں سبز ہیں اور سات ہی خشک تا کہ میں لوگوں کے پاس جاؤں کہ ان کو بھی معلوم ہو جائے ۔ ( یوسف علیہ السلام نے ) کہا تم سات سال برابر کاشتکاری کئے جاؤ پھر جو فصل کاٹو اسے اس کی بالوں ہی میںلگا رہنے دو بجز تھوڑی مقدار کے کہ اسی کو کھاؤ پھر اسکے بعد سات سال سخت آئیں گے کہ اس ذخیرہ کو کھائیں جائیں گے جو تم نے جمع کررکھا ہے بجز اس تھوڑی مقدار کے جو تم بیج کے لیے رکھ چھوڑو گے پھر اس کے بعد ایک سال آئے گا جس میں لوگوں کے لیے خوب بارش ہوگی اور اس میں وہ شیرہ بھی نچوڑیں گے اور بادشاہ نے کہا کہ یوسف کو میرے پاس لاؤ پھر جب قاصدان کے پا س پہنچا تو ( یوسف ؑ نے) کہا کہ اپنے آقا کے پاس واپس جاؤ۔ واذکر “ ذکر سے افتعال کے وزن پر ہے ۔ ” امۃ“ ( یسکون میم ) بمعنی قرن یعنی زمانہ ہے اور بعض نے ” امۃ “ ( میم کے نصب کے ساتھ ) پڑھا ہے اور ابن عباس ؓ نے کہا کہ ” یعصرون “ کا معنی انگور نچوڑیں گے اور تیل نکالیں گے ۔ تھنون ای اتحرسون یعنی حفاظت کرو گے ۔تشریح :اللہ پاک نے حضرت یوسف ؑ کو خوابوں کی تعبیر کا معجزہ عطا فرما یا تھا ان کے حالات کے لیے سورہ یوسف کا بغور مطالعہ کرنے والوں کو بہت سے اسباق حاصل ہو سکتے ہیں اور حضرت یوسف علیہ السلام کی انقلابی زندگی وجہ بصیرت بن سکتی ہے ۔ بچپن میں برداروں کی بے وفائی کا شکار ہونا‘ مصر میں جا کر غلام بن کر فروخت ہونا اور عزیز مصر کے گھر جا کر ایک اور کڑی آزمائش سے گزر نا پھر وہاں اقتدار کا ملنا اور خاندان کو مصر بلا نا جملہ امور بہت ہی غور طلب حالات ہیں ۔

 

6992.

حضرت ابو ہریرہ ؓ سے ورایت ہے انہوں نے کہا: رسول اللہ ﷺ نے فرمایا: ”اگر میں اتنے دن قید میں رہتا جتنے دن حضرت یوسف ؑ ٹھہرے رہے، پھر میرے پاس بلانے والا آتا تو میں اس کی دعوت کو فوراً قبول کر لیتا۔“

×
ترجمۃ الباب:

 ارشاد باری تعالیٰ ہے: ”حضرت یوسفؑ کے ساتھ دو اور نوجوان بھی قید خانے میں داخل ہوئے۔ ۔ تم اپنے مالک کے پاس جاؤ۔“حضرت فضیل نے اپنے پیرکاروں میں سے کسی کو کہا: اے عبداللہ! کہا متفرق رب بہتر ہیں یا ایک ہی اللہ جو سب پر غالب ہے؟ وادّکر یہ لفظ ذکرتُ سے باب افتعال ہے۔  اُمَّۃٍ کے معنیٰ ہیں: قرآن یعنی زمانہ۔ اسے أَمَۃٍ بھی  پڑھا گیا ہے جس کے معنیٰ ہیں: بھول۔ حضرت ابن عباس  ؓ نے کہا: یَعْصِرُوْنَ کے معنیٰ ہیں: انگور نچوڑیں گے اور تیل نکال لیں گے۔  تُحْصِنُونَ کے معنیٰ ہیں: جس کے تم حفاظت کروگے۔

فائدہ: ان آیات سے خواب کے متعلق درج ذیل نکات اخذ کیے جا سکتے ہیں۔ قیدیوں،فسادیوں اور بے دین لوگوں کے خواب بھی بعض اوقات سچے اور قابل تعبیر ہوتے ہیں۔  کاروباری مصروفیات اور ذہنی رجحانات کا خواب پر گہرا اثر ہوتا ہے۔ خواب کی تعبیر کے کے لیے کسی نیک سیرت، بااخلاق اور تجربہ کار آدمی کا انتخاب کرنا چاہیے جو ضرورت پڑنے پر حفاظتی تدابیر بھی بتا سکے۔ خوابوں کی تعبیر بہترین زریعہ تبلیغ ہے۔  رسول اللہ ﷺبھی اس ذریعے کو استعمال کرتے تھے۔  جو خواب پراگندہ خیالات کی پیداوار ہوں وہ قابل تعبیر نہیں ہوتے لیکن یہ معلوم کرنے کے لیے گہری بصیرت کی ضرورت ہے۔ جس خواب کی تعبیر کے متعلق شرح صدر نہ ہو، اس کے متعلق جلد بازی سے کام لینا نہیں چاہیے بلکہ اس سے صاف صاف معذرت کرلی جائے۔


حدیث ترجمہ:

ہم سے عبد اللہ نے بیان کیا‘ انہوں نے کہا ہم سے جویریہ نے بیان کیا‘ ان سے امام مالک نے بیان کیا‘ ان سے زہری نے بیان کیا‘ انہیں سعید بن مسیب اور ابو عبیدہ نے خبر دی اور ان سے حضرت ابوہریرہ ؓ نے بیان کیا کہ رسول اللہ ﷺ نے فرمایا اگر میں اتنے دنوں قید میں رہتا جتنے دنوں یوسف ؑ پڑے رہے اور پھر میرے پاس قاصد بلانے آتا تو میں اس کی دعوت قبول کر لیتا۔

حدیث حاشیہ:

مگر حضرت یوسف علیہ السلام کا جگر وحوصلہ تھا کہ اتنی مدت کے بعد بھی معاملہ کی صفائی تک جیل سے نکلنا پسند نہیں کیا۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7056
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)6992
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6477
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)6992
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6591
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)6742
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)6992
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)6992
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)6992

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

امام بخاری رحمۃ اللہ علیہ نے جن آیات کا حوالہ دیاہے،ان میں دوخوابوں کاذکر ہے۔ان آیات سے خواب کے متعلق درج ذیل نکات اخذ کیے جاسکتے ہیں۔©۔قیدیوں،فسادیوں اور بے دین لوگوں کے خواب بھی بعض اوقات سچے اور قابل تعبیر ہوتے ہیں۔©۔کاروباری مصروفیات اورذہنی رجحانات کا خواب پرگہرا اثر ہوتا ہے۔©۔خواب کی تعبیر کے لیے کسی نیک سیرت،صاحب علم وعمل ،بااخلاق اور تجربہ کارآدمی کا انتخاب کرناچاہیے جو اگرضرورت پڑے تو حفاظتی تدابیر بھی بتاسکے۔©۔خوابوں کی تعبیر بتانا بہترین ذریعہ تبلیغ ہے۔رسول اللہ صلی اللہ علیہ وسلم بھی اس ذریعے کو استعمال کرتے تھے۔©۔جو خواب پراگندہ خیالات کی پیداوار ہوں وہ قابل تعبیر نہیں ہوتے لیکن یہ معلوم کرنے کے لیے گہری بصیرت کی ضرورت ہے۔©۔جس خواب کی تعبیر کے متعلق شرح صدر نہ ہوں،اس کے متعلق جلدی سے کام نہیں لینا چاہیے بلکہ اس سے صاف صاف معذرت کرلی جائے۔حافظ ابن حجر رحمۃ اللہ علیہ لکھتے ہیں کہ قیدی کے لیے اچھاخواب اس کے رہا ہونے کی بشارت ،کافر کااچھا خواب،اس کے ہدایت پانے کی خوشخبری اور فسادی کا اچھا خواب اس کی توبہ کی علامت ہے اور تنبیہ ہوتی ہے کہ اگر وہ فسق وفجور اور کفر پراڑارہا تو اس کا انجام اچھا نہیں ہوگا۔(فتح الباری 12/476)

تمہید کتاب

×

لفظ تعبیر خصوصی طور پر خواب کی تشریح اور توجیہ بیان کرنے کے لیے استعمال ہوتا ہے۔لغوی طور پر"عَبر" سے ماخوذ ہے جس کے معنی ایک حال سے دوسرے حال کی طرف تجاوز کرنا ہیں۔تیرا کی،کشتی یا کسی اور طریقے سے پانی سے گزرنے کو عبور کہاجاتا ہے۔جب کوئی فوت ہوتا ہے تو اسے بھی عربی زبان میں"عبر" کہاجاتا ہے ،گویا وہ دنیا کے پل کے ذریعے سے آخرت میں پہنچ گیا ہے۔اسی طرح اعتبار اورعبرت سے مراد وہ حالت ہے جس کے سبب ایک خاص اور ظاہری حالت کے پیش نظر پوشیدہ حالت کو واضح کرنا،پھر مشاہدے کی بنا پر عدم مشاہدہ تک رسائی حاصل کرنا ہے۔مذکورہ بالالغوی تشریح سے یہ بات سامنے آتی ہے کہ تعبیر سے مراد ایسی حالت کا انکشاف ہے جو عام لوگوں سے پوشیدہ ہوتی ہے۔(فتح الباری 12/441)الرویاء سے مراد وہ چیز جو انسان اپنی نیند کی حالت میں دیکھتا ہے۔یہ مابعد الطبیعاتی امور میں ایک ایسا امر ہے جو مبنی برحقیقت اور سچا ہونے پر وحی الٰہی کے مشابہ ہوتا ہے لیکن اس کی تعبیر وتوجیہ کا میدان زیادہ تر اشاراتی ہوتا ہے۔ماہیت کے لحاظ سے خواب کی تین قسمیں ہیں:سیدنا ابوہریرہ رضی اللہ تعالیٰ عنہ  بیان کرتے ہیں کہ رسول اللہ صلی اللہ علیہ وسلم  نے فرمایا:"خواب تین طرح کے ہوتے ہیں:©۔اللہ تعالیٰ کی طرف سے بشارت۔©۔نفسانی خیالات۔©۔شیطان کی  طرف سے دراندازی۔"(صحیح مسلم الرؤیا حدیث 5905(2263)امام ابن سیرین  رحمۃ اللہ علیہ  جو خوبیوں کی تعبیر کے سلسلے میں بہت ماہر ہیں انھوں نےخواب کو دوقسموں میں تقسیم کیا ہے:©۔خواب حکم:یہ خوب درست اور سچا ہوتا ہے اور اس کی کچھ نہ کچھ اہمیت وحیثیت بھی ہوتی ہے۔©۔اضغاث:۔یہ پراگندہ خیال اور پریشان کن خواب ہوتا ہے۔اس کا حقیقت سے کوئی تعلق نہیں ہوتا۔پھر انھوں نے اضغاث کی مزید تین قسمیں بیان کی ہیں:©۔غلبہ طبیعت اور خواہشات۔©۔شیطانی نمودونمائش۔©۔نفسانی خیالات۔یہ تینوں قسم کےخواب بے کار اورردی ہوتے ہیں۔(کتاب الرؤیا ص 31) گویا انھوں نے حدیث میں بیان کی گئی دوسری اورتیسری قسم کو بے اہمیت ہونے کی وجہ سے ایک ہی شمار کیا ہے۔یہ بات ذہن نشین رہے کہ اچھا اور بُرا خواب دیکھنے میں انسان کے ذاتی خیالات ،حالت بیداری میں پیش آنے والے حالات وواقعات اور ذہنی وقلبی رجحانات کا بنیادی عمل دخل ہوتا ہے ،نیز ذریعہ معاش،سوچ وفکر اور صحت ومرض بھی اس میں بنیادی کردار ادا کرتے ہیں۔ہمارے ہاں خواب کی حقیقت کے بارے میں مختلف نظریات پائے جاتے ہیں۔جن کی تفصیل حسب ذیل ہے:©۔کچھ لوگ خواب کی حقیقت سے انکار کرتے ہیں۔ان کے ہاں خواب ذہنی انتشار،توہمات اور لاشعوری احساسات کا نام ہے لیکن یہ نظریہ قرآن وحدیث کے مخالف ہے کیونکہ قرآن مجید میں سیدنا ابراہیم،سیدنا یوسف علیہ السلام  اوررسول اللہ صلی اللہ علیہ وسلم  کے خوابوں کا تذکرہ موجود ہے۔©۔کچھ حضرات کہتے ہیں کہ خواب بھی دیگر شرعی دلائل کی طرح قابل حجت ہے۔یہ لوگ خواب پر اعتماد کرکے اپنے عمل کی بنیاد رکھنے کے قائل وفاعل ہیں۔کافی عرصہ پہلے سعودی عرب میں مہدی تحریک کی بنیاد بھی مختلف حضرات کو آنے والے خواب تھے۔اس موقف کی بھی کوئی حیثیت نہیں ہے۔©۔اس افراط وتفریط کے درمیان ایک تیسرا گروہ ہے جو درمیانی راستہ اختیار کرتاہے کہ خواب دوطرح کے ہوتے ہیں:©۔انبیاء علیہ السلام  کے خواب۔©۔عام آدمی کے خواب۔انبیاء علیہ السلام  کے خواب وحی الٰہی کی ایک قسم ہے اور یہ قابل اتباع ہوتے ہیں،چنانچہ حضرت ابراہیم علیہ السلام  نے خواب میں دیکھ کر اپنے لخت جگر کی گردن پر چھری رکھ دی تھی۔حافظ ابن حجر  رحمۃ اللہ علیہ  لکھتے ہیں کہ انبیاء علیہ السلام  کے خواب وحی ہوتے ہیں اور وحی ہر قسم کےخلل سے محفوظ ہوتی ہے۔(فتح الباری 12/443)عام آدمی کے خواب میں سچ اور جھوٹ دونوں کا احتمال پایا جاتا ہے۔ان کے متعلق ابن حجر رحمۃ اللہ علیہ  لکھتے ہیں:حضرات انبیاء علیہ السلام  کے علاوہ عام لوگوں کے خواب میں بعض دفعہ شیطان کا عمل دخل ہوتاہے اور کبھی کبھی شیطان نیند کی حالت میں فرشتوں کا روپ دھارکرانسان کو الٹے سیدھے کاموں میں لگادیتا ہے۔(فتح الباری 12/444)امام بخاری رحمۃ اللہ علیہ  نے خوابوں کے احکام ومسائل بیان کرنے کے لیے نناوے(99) مرفوع احادیث کا انتخاب کیا ہے جن میں بیاسی(82) متصل اسناد سے بیان کی جاتی ہیں اور باقی سترہ(17) معلق اور متابع کی حیثیت سے پیش کی ہیں ،پھر ان میں پچھتر (75) احادیث مکرر اور باقی خالص ہیں۔مرفوع احادیث کے علاوہ امام صاحب نے مختلف صحابہ کرام رضوان اللہ عنھم اجمعین  اور تابعین عظام  رحمۃ اللہ علیہ سے مروی دس(10)آثار بھی ذکر کیے ہیں۔ان مختلف احادیث وآثار پراڑتالیس(48) کے قریب چھوٹے چھوٹے عنوانات قائم کیے ہیں جن میں خوابوں کے متعلق ٹھوس حقائق اور شرعی احکام بیان کیے ہیں۔ہم انھیں  فوائد کے عنوان سے مزید تشریح سے پیش  کریں گے۔باذن اللہ تعالیٰ۔

تمہید باب عربی

×

تمہید کتاب عربی

×