التخريج

قسم الحديث (القائل): موقوف اتصال السند: متصل قسم الحديث: قولی

‌صحيح البخاري: كِتَابُ تَفْسِيرِ القُرْآنِ (بَابُ قَوْلِهِ{وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَنْ تَخْشَاهُ})

حکم : أحاديث صحيح البخاريّ كلّها صحيحة

ترجمۃ الباب:

4787.   حَدَّثَنَا مُحَمَّدُ بْنُ عَبْدِ الرَّحِيمِ حَدَّثَنَا مُعَلَّى بْنُ مَنْصُورٍ عَنْ حَمَّادِ بْنِ زَيْدٍ حَدَّثَنَا ثَابِتٌ عَنْ أَنَسِ بْنِ مَالِكٍ رَضِيَ اللَّهُ عَنْهُ أَنَّ هَذِهِ الْآيَةَ وَتُخْفِي فِي نَفْسِكَ مَا اللَّهُ مُبْدِيهِ نَزَلَتْ فِي شَأْنِ زَيْنَبَ بِنْتِ جَحْشٍ وَزَيْدِ بْنِ حَارِثَةَ

صحیح بخاری:

کتاب: قرآن پاک کی تفسیر کے بیان میں

 

کتاب تمہید  (

باب: آیت (( وتخفی فی نفسک ما اللہ مبدیہ )) کی تفسیریعنی”اے نبی! آپ اپنے دل میں وہ بات چھپاتے رہے جس کو اللہ ظاہر کرنے والا ہی تھا اور آپ لوگوں سے ڈر رہے تھے، حالانکہ اللہ ہی اس کا زیادہ مستحق ہے کہ اس سے ڈرا جائے“۔

)   باب تمہید

مترجم: شیخ الحدیث حافظ عبد الستار حماد (دار السلام)

4787.   حضرت انس بن مالک ؓ سے روایت ہے، انہوں نے فرمایا: بلاشبہ یہ آیت حضرت زینب بنت حجش اور حضرت زید بن حارثہ ؓ کے بارے میں نازل ہوئی تھی: ’’آپ ایک ایسی بات دل میں چھپا رہے تھے جسے اللہ تعالٰی ظاہر کرنا چاہتا تھا ۔۔‘‘

ترقیم کوڈ اسم الترقيم نام ترقیم ??? ?????? (حدیث نمبر)
١ ترقيم موقع محدّث ویب سائٹ محدّث ترقیم 4822
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 4787
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 4413
٤ ترقيم فتح الباري (برنامج الكتب التسعة) ترقیم فتح الباری (کتب تسعہ پروگرام) 4787
٥ ترقيم د. البغا (برنامج الكتب التسعة) ترقیم ڈاکٹر البغا (کتب تسعہ پروگرام) 4509
٦ ترقيم شرکة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 4589
٧ ترقيم دار طوق النّجاة (جامع خادم الحرمين للسنة النبوية) ترقیم دار طوق النجاۃ (خادم الحرمین الشریفین حدیث ویب سائٹ) 4787
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 4787
١٠ ترقيم فؤاد عبد الباقي (داود راز) ترقیم فواد عبد الباقی (داؤد راز) 4787
ترجمۃ الباب:

حدیث ترجمہ:

حضرت انس بن مالک ؓ سے روایت ہے، انہوں نے فرمایا: بلاشبہ یہ آیت حضرت زینب بنت حجش اور حضرت زید بن حارثہ ؓ کے بارے میں نازل ہوئی تھی: ’’آپ ایک ایسی بات دل میں چھپا رہے تھے جسے اللہ تعالٰی ظاہر کرنا چاہتا تھا ۔۔‘‘
حدیث حاشیہ:

1۔ حضرت زینب رضی اللہ تعالیٰ عنہا کی خاندانی حیثیت بہت بلند تھی جبکہ حضرت زید بن حارثہ رضی اللہ تعالیٰ عنہ بظاہر غلامی کا داغ اٹھا کر آزاد ہوئے تھے اس لیے مزاج کی موافقت نہ ہو سکی اور نہ معاشرتی تفاوت ہی ذہنوں سے اتنی جلدی دور ہو سکا اور سیدہ زینب رضی اللہ تعالیٰ عنہا اپنے شوہر حضرت زید بن حارثہ رضی اللہ تعالیٰ عنہ کا وہ احترام نہ کر سکیں جو انھیں کرنا چاہیے تھا جب ان میں ناچاقی کا سلسلہ شروع ہوا تو سیدنا زید رضی اللہ تعالیٰ عنہ اس بات کا شکوہ رسول اللہ صلی اللہ علیہ وسلم سے کرتے اور کہتے کہ میں اسے طلاق دے کر فارغ کرنا چاہتا ہوں لیکن رسول اللہ صلی اللہ علیہ وسلم انھیں ہر بار یہی سمجھاتے کہ جب اس عورت نے اپنی خواہش قربان کر کے تم سے نکاح کر لیا ہے تو تمھیں بھی کچھ برداشت سے کام لینا چاہیے۔ اب اسے طلاق دینے کو وہ اور اس کے عزیز واقارب اپنی ذلت خیال کریں گے تم اللہ سے ڈرو اور چھوٹی چھوٹی باتوں پر بگاڑکی صورت نہ پیدا کرو۔ لیکن جب بار بار شکایات کا سلسلہ شروع ہوا تو ممکن ہے کہ آپ صلی اللہ علیہ وسلم کے دل میں یہ خیال آیا ہوکہ اگر زید نے حضرت زینب کو چھوڑ دیا تو زینب کی دلجوئی نکاح کرنے ہی سے ہو سکے گی۔ لیکن منافقین کی بد گوئی کا بھی اندیشہ تھا کہ اپنے منہ بولے بیٹے کی بیوی کو اپنے حرم میں رکھ لیا ہے یہ تھی وہ بات جسے نبی صلی اللہ علیہ وسلم دل میں چھپائے ہوئے تھے جیسا کہ سیدہ عائشہ رضی اللہ تعالیٰ عنہا فرماتی ہیں کہ اگر حضرت محمد صلی اللہ علیہ وسلم قرآن میں سے کوئی چیز چھپانے والے ہوتے تو یہ آیت ضرور چھپاتے۔ (صحیح مسلم، الإیمان، حدیث:440۔(177))
2۔ اگرچہ دلوں کے خیالات پر اللہ تعالیٰ مؤاخذہ نہیں فرماتا لیکن آپ صلی اللہ علیہ وسلم کی عظمت شان کے لحاظ سے دل میں ایسا خیال آنا بھی آپ کے شایان شان نہ تھا اس لیے ایسے خیال پر بھی اللہ تعالیٰ کی طرف سے آپ صلی اللہ علیہ وسلم کو تنبیہ کی گئی۔ اللہ تعالیٰ نے اس دوران میں رسول اللہ صلی اللہ علیہ وسلم کو مطلع کردیا کہ میں سیدہ زینب رضی اللہ تعالیٰ عنہا کو آپ کے نکاح میں دینے والا ہوں تاکہ جاہلیت کی رسم بد کا خاتمہ کیا جائے کہ منہ بولے بیٹے کی بیوی سے نکاح حرام ہے چنانچہ جب حضرت زید رضی اللہ تعالیٰ عنہ نے طلاق دے دی تو عدت گزر جانے کے ایجاب و قبول کے بغیر ہی اللہ تعالیٰ نے حضرت زینب رضی اللہ تعالیٰ عنہا کا نکاح رسول اللہ صلی اللہ علیہ وسلم سے کر دیا۔ یہی وجہ ہے کہ سیدہ زینب رضی اللہ تعالیٰ عنہا بطور اعزاز کہا کرتی تھیں کہ دوسری بیویوں کی شادی تو ان کے سر پرستوں نے کی تھی لیکن میرا نکاح خود اللہ تعالیٰ نے سات آسمانوں کے اوپر کیا ہے۔ (صحیح البخاري، التوحید، حدیث:7420)
3۔ حضرت انس رضی اللہ تعالیٰ عنہ کا بیان ہے کہ جب سیدہ زینب رضی اللہ تعالیٰ عنہا کی عدت پوری ہو گئی تو رسول اللہ صلی اللہ علیہ وسلم نے حضرت زید رضی اللہ تعالیٰ عنہ سے کہا کہ جاؤ زینب سے میرا ذکر کرو۔ حضرت زید رضی اللہ تعالیٰ عنہ کہتے ہیں تعمیل حکم کے لیے جب میں ان کے پاس آیا تو وہ اپنے آٹے کا خمیر پکا رہی تھیں میں ان کی عظمت شان کی وجہ سے انھیں نظر بھر کر نہ دیکھ سکا کیونکہ رسول اللہ صلی اللہ علیہ وسلم نے انھیں یاد کیا تھا۔ پھر میں نے ان سے کہا: زینب رضی اللہ تعالیٰ عنہا! مجھے رسول اللہ صلی اللہ علیہ وسلم نے بھیجا ہے وہ آپ کو یاد کرتے ہیں انھوں نے جواب دیا میں اس وقت تک کوئی بات نہیں کرتی جب تک اپنے پروردگار سے مشورہ (استخارہ) نہ کر لوں پھر وہ اپنی جائے نماز پر کھڑی ہوئیں۔ ادھر قرآن اترا اور رسول اللہ صلی اللہ علیہ وسلم حکم کےبغیر ان کے پاس چلے گئے۔ (صحیح مسلم، النکاح، حدیث:3502(1428)) بہر حال اللہ تعالیٰ کا یہ حکم تھا کہ متبنی (منہ بولا بیٹا)اصل بیٹے کا مقام نہیں رکھتا کہ اس کی مطلقہ بیوی حرام ہو جائے اور اللہ تعالیٰ اس غلط رسم کو ختم کرنا چاہتا تھا اور اس کے لیے خود رسول اللہ صلی اللہ علیہ وسلم کا انتخاب کیا گیا۔
ترجمۃ الباب:

حدیث ترجمہ:

ہم سے محمد بن عبدالرحیم نے بیان کیا، کہا ہم سے معلی بن منصور نے بیان کیا، اسے حماد بن زید نے کہا ہم سے ثابت نے بیان کیا اور ان سے حضرت انس بن مالک ؓ نے بیان کیا کہ آیت ”اور آپ اپنے دل میں وہ چھپاتے رہے جسے اللہ ظاہر کرنے والا تھا۔“  زینب بنت جحش‬ ؓ ا‬ور زید بن حارثہ ؓ کے معاملہ میں نازل ہوئی تھی۔
حدیث حاشیہ:

اس کا قصہ تفسیروں میں پورا مذکور ہے۔ کہتے ہیں آنحضرت صلی اللہ علیہ وسلم نے اس شرط کے ساتھ کہ اگر زید اپنی خوشی سے زینب کو طلاق دے اور زینب کی بھی خوشی ہو تو آپ ان کو اپنے حرم میں داخل کر لیں گے، ملکی رواج کے خلاف ہونے کی وجہ سے آپ اس بات کودل میں چھپاتے رہے۔ آیت میں اسی طرف اشارہ ہے۔ حضرت عائشہ رضی اللہ عنہا کا یہ بیان بالکل بجا ہے کہ اگر آنحضرت صلی اللہ علیہ وسلم قرآن مجید کی کسی آیت کو چھپانا چاہتے تو اس آیت کو چھپا لیتے مگر جو نہی آپ پر نازل ہوئی آپ نے پورے طور پر امت پر پہنچا دیا (صلی اللہ علیه وسلم)۔ بعد میں آپ نے زینب رضی اللہ عنہا سے نکاح کر کے عہد جاہلیت کی ایک غلط رسم کو توڑ دیا۔ عہد جاہلیت میں منہ بولے بیٹے کو حقیقی بیٹا تصور کرتے، اس کی عورت سے نکاح نا جائز تھا۔ آپ نے دونوں رسموں کو مٹا دیا۔
ترجمۃ الباب:

حدیث ترجمہ:

Narrated Anas bin Malik (RA): The Verse: 'But you did hide in your mind that which Allah was about to make manifest.' (33.37) was revealed concerning Zainab bint Jahsh and Zaid bin Haritha.

الحكم على الحديث

اسم العالمالحكم
١. إجماع علماء المسلمينأحاديث صحيح البخاريّ كلّها صحيحة