سنن نسائی:

کتاب: ایمان اور اس کے فرائض واحکام کا بیان

ترجمۃ الباب:

4991.

حضرت ابو ہریرہ ؓاور حضرت ابو ذر ؓنے فرمایا کہ رسول اللہ ﷺ اپنے صحابہ میں اس طرح تشریف فرما ہوتےتھے کہ کوئی اجنبی آدمی آتا تووہ نہیں پہچان سکتا تھا کہ آپ کون سے ہیں حتی ٰ کہ وہ (آپ کی بابت) پوچھتا، اس لیے ہم نے رسول اللہ ﷺ سے اجازت طلب کی ہم آپ کے بیٹھنے کے لیے مخصوص جگہ بنا دیں تاکہ اجنبی آدمی آئے تو وہ بھی آپ کو پہچان سکے۔ اجازت ملنے پر ہم نے آپ کے لیے مٹی ایک تھڑا بنا دیا ۔ آپ اس پر تشریف فرماتے ہوتے تھے۔ ایک دفعہ ہم بیٹھے تھے اور رسول اللہ ﷺ بھی اپنے مخصوص مقام پر تشریف فرما تھے کہ ایک انتہائی خوب صورت اور خوشبو میں بسا ہو ا ایک آدمی آیا۔ اس کے کپڑوں کو ہلکا سا میل کچیل بھی نہیں لگا تھا حتیٰ کہ اس نے نیچے بچھی ہوئی چٹائی کے کنارے کے پاس آکر سلام کہا اور کہا: اے محمد! السلام علیکم! آپ ؑ نے اسے جواب دیا۔ اس نے کہا: اے محمد! میں قریب آسکتا ہوں؟ آپ نے فرمایا: ”قریب آجاؤ۔“ وہ بار بار اسی طرح کہتا رہا: اور قریب آجاؤں؟ اور آپ نے فرماتے رہے : ”قریب آ جاؤ۔“ حتیٰ کہ اس نے اپنا ہاتھ رسول اللہ ﷺ کے مبارک گھٹنوں پر رکھ دیا اور کہا: اے محمد! مجھے بتائیے: اسلام کیا ہے؟ آپ نے فرمایا، ”اسلام یہ ہے کہ تو خالص اللہ تعالی کی عبادت کر اور اس کے ساتھ کسی چیز کو شریک نہ سمجھے، نماز قائم کر ے، اور زکاۃ ادا کرے، بیت اللہ کا حج کرے اور رمضان المبارک کے روزے رکھے۔“ اس نے کہا: جب میں یہ کام کرلوں تو کیا میں مسلمان ہوگیا؟ آپ نے فرمایا: ”ہاں۔“ اس نے کہا: آپ نے سچ فرمایا۔ جب ہم نے اس شخص کی یہ بات سنی تو ہم نے اس پر تعجب کیا (پوچھتا بھی ہے اور تصدیق بھی کرتا ہے)۔ پھر اس نے کہا: اے محمد فرمائے ایمان کیا ہے؟ آپ نے فرمایا: ’’ ایمان یہ ہے کہ تو اللہ تعالی ، اس کے فرشتوں ،کتابوں ، نبیوں اور تقدیر کو دل وجان سے تسلیم کرے لے ۔،،اس نے کہا : جب میں یہ کام کرلوں گا تو کیامیں مومن ہ کیا ؟ آپنے فرمایا : ’’ہاں ۔،، اسنے کہا : آپ نے سچ فرمایا ۔ پھر کہنے لگا : اے محمد ! بتلائیے : احسان کیا ہے؟ آپنے فرمایا : ’’احسان یہ ہے کہ تو اللہ تعالی کی عبادت اس طرح کرے گویا تواللہ تعالیٰ کو دیکھ رہا ہے ۔ اگر تو اسے نہیں دیکھتا تو وہ تجھے دیکھ رہا ہے ۔اگر تو اسے نہیں دیکھتا تو وہ تجھے دیکھ رہا ہے ۔ ،، وہ کہنے لگا : آپ نے سچ فرمایا ۔ پھر وہ کہنے لگا:اے محمد ! مجھے بتائیے :قیامت کب آئے گی ؟ آپ نے سرجھکا لیا اور اسے کچھ جواب نہ دیا ۔ اس نے دوبارہ پھر وہی سوال کیا ۔ آپ نے پھر کوئی جواب نہ دیا ۔ اس نے تیسری دفعہ پھر وہی سوال کیا ۔ آپ نے پھر بھی کوئی جواب نہ دیا ۔پھر آپ نے اپنا سر مبارک اٹھایا اور فرمایا : ’’جس شخص سے قیامت کے بارے میں پوچھا گیا ہے ، وہ پوچھنے والے سے زیادہ نہیں جانتا ۔ لیکن قیامت کی کچھ علامات ہیں جن کے ساتھ اس کا پنا چل جائے گا ، مثلا: جب تو دیکھے کہ بکر یوں بھیڑوں کے چرواہے عمارتیں بنانے میں ایک دوسرے کا فخریہ انداز میں مقابلہ کر رہے ہیں اور ننگے پاؤں چلنے والے اور ننگے جسم رہنے والے کو زمین کا بادشاہ بنے دیکھے اور دیکھے کہ عورتیں اپنےمالک جننے لگی ہیں (تو پھر قیامت کاانتظار کر ) ۔ پانچ چیزیں ایسی ہیں جن کا الل تعالیٰ کے سوا کوئی نہیں جانتا ۔پھر آپنے یہ آبیت پڑھی (ان اللہ عندہ علم الساعۃ.....) ’’اللہ ہی کو قیامت کا علم ہے .............،، پھر فرمایا :’’ قسم اس ذات کی جس نے محمد (ﷺ) کو سچا نبی بنایا جو رہنمائی کرنے والا اور خوش خبری دینے والا ہے ! تمھاری طرح میں بھی اس آدمی کو پہچان نہیں سکا تھا ۔(پھر معلوم ہو اکہ )وہ جبر یل ؑ تھے جو دحیہ کلبی کی صورت میں آئے تھے ۔،،