جامع ترمذی: كتاب: خریدوفروخت کے احکام ومسائل (باب: کتے اور بلی کی قیمت کی کراہت کا بیان​)

ترجمۃ الباب:

1279.

جابر ؓ کہتے ہیں کہ رسول اللہ ﷺ نے کتے اور بلی کی قیمت سے منع فرمایا ہے۔
امام ترمذی کہتے ہیں:
۱۔ اس حدیث کی سند میں اضطراب ہے۔ بلی کی قیمت کے بارے میں یہ صحیح نہیں ہے۔
۲۔ یہ حدیث اعمش سے مروی ہے انہوں نے اپنے بعض اصحاب سے روایت کی ہے اور اس نے جابر سے، یہ لوگ اعمش سے اس حدیث کی روایت میں اضطراب کا شکارہیں۔
۳۔ اورابن فضل نے اس سند کے علاوہ دوسری سند سے بطریق:  «الأعمش، عن أبي حازم، عن أبي هريرة، عن النبي ﷺ» روایت کی ہے۔
۴۔ اہل علم کی ایک جماعت نے بلی کی قیمت کو ناجائزکہا ہے۔
۵۔ اور بعض لوگوں نے اس کی رخصت دی ہے، یہی احمد اوراسحاق بن راہویہ کا بھی قول ہے۔