جامع ترمذی: كتاب: حکومت وقضاء کے بیان میں (باب: رعایا کے حاکم کا بیان​)

ترجمۃ الباب:

1332.

عمرو بن مرہ ؓ سے روایت ہے کہ انہوں نے معاویہ ؓ سے کہا: میں نے رسول اللہ ﷺ کوفرماتے سنا ہے: ’’جوبھی حاکم حاجت مندوں، محتاجوں اور مسکینوں کے لیے اپنے دروازے بندرکھتا ہے تو اللہ تعالیٰ بھی اس کی ضرورت، حاجت اور مسکنت کے لیے اپنے دروازے بند رکھتاہے‘‘، جب معاویہ ؓ نے یہ سنا تولوگوں کی ضرورت کے لیے ایک آدمی مقرر کردیا۔
امام ترمذی کہتے ہیں:
۱۔ عمرو بن مرہ ؓ کی حدیث غریب ہے۔
۲۔ یہ حدیث دوسرے طریق سے بھی مروی ہے۔
۳۔ اس باب میں ابن عمر ؓ سے بھی احادیث آئی ہیں۔
۴۔ عمرو بن مرہ جہنی کی کنیت ابومریم ہے۔