جامع ترمذی: كتاب: قربانی کے احکام ومسائل (باب: بھیڑکے جذع کی قربانی کا بیان​)

ترجمۃ الباب:

1500.

عقبہ بن عامر ؓ سے روایت ہے کہ رسول اللہ ﷺنے انہیں بکریاں دیں تاکہ وہ قربانی کے لیے صحابہ کرام کے درمیان تقسیم کردیں، ایک عتود (بکری کا ایک سال کا فربہ بچہ) یا جدی ۱؎ باقی بچ گیا، میں نے رسول اللہ ﷺ سے اس کا تذکرہ کیا، توآپﷺ نے فرمایا: ’’تم اس کی قربانی خود کرلو‘‘۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ وکیع کہتے ہیں: بھیڑکاجذع ، چھ یا سات ماہ کا بچہ ہوتا ہے۔
۳۔ عقبہ بن عامر سے دوسری سند سے روایت ہے کہ رسول اللہ ﷺ نے قربانی کے جانورتقسیم کیے، ایک جذعہ باقی بچ گیا، میں نے نبی اکرمﷺ سے اس کے بارے میں پوچھا توآپ نے فرمایا: ’’تم اس کی قربانی خودکرلو‘‘۔