جامع ترمذی: كتاب: سیر کے بیان میں (باب: رات میں دشمن پر چھاپہ مارنے اورحملہ کرنے کا بیان​)

ترجمۃ الباب:

1551.

ابوطلحہ ؓ سے روایت ہے کہ جب نبی اکرمﷺ کسی قوم پر غالب آتے توان کے میدان میں تین دن تک قیام کرتے۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ حمید کی حدیث جو انس ؓ سے آئی ہے۔ حسن صحیح ہے۔
۳۔ اہل علم کی ایک جماعت نے رات میں حملہ کرنے اورچھاپہ مارنے کی اجازت دی ہے۔
۴۔ بعض اہل علم اس کو مکروہ سمجھتے ہیں۔
۵۔ احمد اوراسحاق بن راہویہ کہتے ہیں کہ رات میں دشمن پرچھاپہ مارنے میں کوئی حرج نہیں ہے۔
۶۔ ’’وافق محمد الخميس‘‘ میں الخمیس سے مراد لشکرہے۔