جامع ترمذی: كتاب: نیکی اورصلہ رحمی کے بیان میں (باب: سچ کی فضیلت اورجھوٹ کی برائی کابیان​)

ترجمۃ الباب:

1971.

عبداللہ بن مسعود ؓ کہتے ہیں کہ رسول اللہﷺ نے فرمایا: ’’سچ بولو، اس لیے کہ سچ نیکی کی طرف رہنمائی کرتا ہے اورنیکی جنت کی طرف رہنمائی کرتی ہے، آدمی ہمیشہ سچ بولتاہے اورسچ کی تلاش میں رہتاہے، یہاں تک کہ وہ اللہ کے نزدیک سچا لکھ دیا جاتا ہے، اور جھوٹ سے بچو، اس لیے کہ جھوٹ گناہ کی طرف رہنمائی کرتا ہے اورگناہ جہنم میں لے جاتا ہے، آدمی ہمیشہ جھوٹ بولتا ہے اورجھوٹ کی تلاش میں رہتا ہے یہاں تک کہ اللہ کے نزدیک جھوٹا لکھ دیا جاتاہے‘‘۱؎۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ اس باب میں ابوبکرصدیق، عمر، عبداللہ بن شخیر اورابن عمر‬ ؓ س‬ے بھی احادیث آئی ہیں۔