جامع ترمذی: کتاب: آداب واحکام کا بیان (باب: اللہ تعالیٰ چھینک کو پسندکرتاہے اور جمائی کوناپسندکرتاہے​)

ترجمۃ الباب:

2747.

ابوہریرہ ؓ سے روایت ہے کہ رسول اللہ ﷺ نے فرمایا: ’’اللہ تعالیٰ چھینک کو پسند کرتا ہے اور جمائی کو ناپسند، پس جب تم میں سے کسی کو چھینک آئے اور وہ (اَلْحَمْدُ لِلہ) کہے تو ہر مسلمان کے لیے جو اسے سنے (یَرْحَمُكَ اللہ) کہنا ضروری ہے۔ اب رہی جمائی کی بات تو جس کسی کو جمائی آئے، اسے چاہیے کہ وہ اپنی طاقت بھر اسے روکے اور ہاہ ہاہ نہ کہے، کیوں کہ یہ شیطان کی طرف سے ہے، اور شیطان اس سے ہنستا ہے‘‘۔
امام ترمذی کہتے ہیں:
۱۔ یہ حدیث صحیح ہے۔
۲۔ اوریہ ابن عجلان کی (اوپر مذکور) روایت سے زیادہ صحیح ہے۔
۳۔ ابن ابی ذئب: سعید مقبری کی حدیث کو زیادہ یاد رکھنے والے (أحفظ) اور محمد بن عجلان سے زیادہ قوی (أثبت) ہیں-
۴- میں نے ابوبکر عطاربصری سے سنا ہے وہ روایت کرتے ہیں: علی بن مدینی کے واسطہ سے یحییٰ بن سعید سے اوریحییٰ بن سعید کہتے ہیں: محمد بن عجلان کہتے ہیں: سعید مقبری کی احادیث کا معاملہ یہ ہے کہ سعید نے بعض حدیثیں (بلاواسطہ) ابوہریرہ سے روایت کی ہیں۔ اوربعض حدیثیں بواسطہ ایک شخص کے ابوہریرہ سے روایت کی گئی ہیں۔ تو وہ سب میرے ذہن میں گڈ مڈ ہو گئیں۔ مجھے یاد نہیں رہا کہ بلاواسطہ کون تھیں اور بواسطہ کون؟ تو میں نے سبھی رایتوں کو سعید کے واسطہ سے ابوہریرہ سے روایت کر دی ہے۔