جامع ترمذی: كتاب: نماز کے احکام ومسائل (باب: سجدے میں اعتدال کا بیان​)

ترجمۃ الباب:

275.

جابر بن عبداللہ ؓ سے روایت ہے کہ نبی اکرم ﷺ نے فرمایا: ’’جب تم میں سے کوئی سجدہ کرے تو اعتدال کرے۱؎ اور اپنے ہاتھ کو کتے کی طرح نہ بچھائے‘‘۲؎۔
امام ترمذی کہتے ہیں:
۱- جابر کی حدیث حسن صحیح ہے۔
۲- اس باب میں عبدالرحمن بن شبل، انس، براء، ابو حمید اور عائشہ‬ ؓ س‬ے بھی احادیث آئی ہیں۔
۳- اہل علم کا عمل اسی پر ہے، وہ سجدے میں اعتدال کو پسند کرتے ہیں اور ہاتھ کو درندے کی طرح بچھانے کو مکروہ سمجھتے ہیں۔