جامع ترمذی: کتاب: آداب واحکام کا بیان (باب: غالیچہ(چھوٹے قالین) رکھنے کی رخصت کابیان​)

ترجمۃ الباب:

2774.

جابر ؓ کہتے ہیں کہ رسول اللہ ﷺ نے فرمایا: ’’کیا تمہارے پاس انماط (غالیچے) ہیں؟‘‘ میں نے کہا: غالیچے ہمارے پاس کہاں سے ہوں گے؟ آپﷺ نے فرمایا: ’’تمہارے پاس عنقریب انماط (غالیچے) ہوں گے‘‘۔ (تو اب وہ زمانہ آ گیا ہے) میں اپنی بیوی سے کہتا ہوں کہ تم اپنے انماط (غالیچے) مجھ سے دور رکھو۔ تو وہ کہتی ہے: کیا رسول اللہﷺ نے یہ نہ کہا تھا کہ تمہارے پاس انماط ہوں گے، تو میں اس سے درگزر کر جاتا ہوں۱؎۔
امام ترمذی کہتے ہیں: یہ حدیث حسن صحیح ہے۔