جامع ترمذی: كتاب: قرآن کریم کی تفسیر کے بیان میں (باب: سورہ مائدہ کی تفسیر)

ترجمۃ الباب:

3055.

علی رضی الله عنہ کہتے ہیں: جب یہ آیت کریمہ نازل ہوئی ﴿وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً﴾ (جو لوگ خانہ کعبہ تک پہنچ سکتے ہوں ان پراللہ کے حکم سے حج کرنا فرض ہے) تو لوگوں نے عرض کیا: اللہ کے رسولﷺ! کیا ہر سال؟ آپﷺ خاموش رہے، لوگوں نے پھر کہا: اللہ کے رسولﷺ! کیا ہر سال فرض ہے؟ آپﷺ نے فرمایا: ’’ نہیں۔ اور اگر میں ہاں کہہ دیتا تو حج ہر سال کے لیے فرض ہو جاتا‘‘، پھراللہ نے یہ آیت اتاری: ﴿يَا أَيُّهَا الَّذِينَ آمَنُوا لا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ﴾ ’’اے ایمان والو! بہت سی ایسی چیزوں کے بارے میں مت پوچھا کرو کہ اگر تم پر ظاہر کر دی جائیں تو تمہیں ناگوار معلوم ہو‘‘ (المائدۃ: ۱۰۱)۔
امام ترمذی کہتے ہیں:
۱۔ یہ حدیث علی رضی الله عنہ کی روایت سے حسن غریب ہے۔
۲۔ اوراس باب میں ابوہریرہ اور ابن عباس رضی الله عنہم سے بھی احادیث آئی ہیں۔