جامع ترمذی: كتاب: قرآن کریم کی تفسیر کے بیان میں (باب: سورہ توبہ سے بعض آیات کی تفسیر​)

ترجمۃ الباب:

3101.

علی رضی الله عنہ کہتے ہیں کہ میں نے ایک شخص کو اپنے مشرک ماں باپ کے لیے مغفرت طلب کرتے ہوئے سنا تو میں نے اس سے کہا:  کیا اپنے مشرک ماں باپ کے لیے مغفرت طلب کرتے ہو؟  اس نے کہا:  کیا ابراہیم ؑ نے اپنے مشرک باپ کے لیے مغفرت طلب نہیں کی تھی؟  پھر میں نے اس بات کا ذکر نبی اکرم صلی اللہ علیہ وسلم سے کیا تو آپﷺ پر یہ آیت نازل ہوئی ﴿مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ﴾ ”نبی اور مومنین کے لیے زیبا نہیں ہے کہ وہ مشرکین کے لیے مغفرت طلب کریں“ (التوبة: ۱۱۳)۔ 
امام ترمذی کہتے ہیں: 
۱۔ یہ حدیث حسن ہے۔
۲۔ اس باب میں سعید بن مسیب سے بھی روایت ہے اور وہ اپنے باپ  سے روایت کرتے ہیں۔