جامع ترمذی: كتاب: قرآن کریم کی تفسیر کے بیان میں (باب: سورہ مریم سے بعض آیات کی تفسیر​)

ترجمۃ الباب:

3162.

مسروق کہتے ہیں: میں نے خباب بن ارت ؓ  کو کہتے ہوئے سنا ہے کہ میں عاص بن وائل سہمی (کافر) کے پاس اس سے اپنا ایک حق لینے کے لیے گیا، اس نے کہا: جب تک تم (محمدﷺ کی رسالت)  کا انکار نہیں کر دیتے میں تمہیں دے نہیں سکتا۔  میں نے کہا: نہیں، میں رسول اللہﷺ کی نبوت و رسالت کا انکار نہیں کر سکتا۔  چاہے تم یہ کہتے کہتے مر جاؤ۔  پھر زندہ ہو پھر یہی کہو۔ اس نے پوچھا کیا: میں مروں گا؟  پھر زندہ کر کے اٹھایا جاؤں گا؟  میں نے کہا:  ہاں، اس نے کہا:  وہاں بھی میرے پاس مال ہو گا، اولاد ہو گی، اس وقت میں تمہارا حق تمہیں لوٹا دوں گا۔  اس موقع پر آیت ﴿أَفَرَأَيْتَ الَّذِي كَفَرَ بِآيَاتِنَا وَقَالَ لأُوتَيَنَّ مَالاً وَوَلَدًا﴾ ۱؎ نازل ہوئی۔