جامع ترمذی: كتاب: قرآن کریم کی تفسیر کے بیان میں (باب: سورہ روم سے بعض آیات کی تفسیر​)

ترجمۃ الباب:

3192.

ابوسعید خدری ؓ کہتے ہیں: بدر کی لڑائی کے موقع پر جب رومی اہل فارس پر غالب آ گئے تو مومنوں کو اس سے خوشی حاصل ہوئی۱؎ اس پر یہ آیت: ﴿الم غُلِبَتِ الرُّومُ﴾ سے لے کر ﴿يَفْرَحُ الْمُؤْمِنُونَ بِنَصْرِ اللَّهِ﴾۲؎ تک نازل ہوئی، وہ کہتے ہیں: روم کے فارس پر غلبہ سے مسلمان بے حد خوش ہوئے۔
امام ترمذی کہتے ہیں: یہ حدیث اس سند سے حسن غریب ہے، ایسے ہی نصر بن علی نے ﴿غَلَبَتِ الرُّومُ﴾ ( غ  اور  ل کے زبر کے ساتھ ) پڑھا ہے۔