جامع ترمذی: كتاب: زکاۃ وصدقات کے احکام ومسائل (باب: نہر وغیرہ سے سینچائی کرکے پیداکی گئی فصل کی زکاۃ کا بیان​)

ترجمۃ الباب:

640.

عبداللہ بن عمر ؓ سے روایت ہے کہ رسول اللہ ﷺ نے یہ طریقہ جاری فرمایا کہ جسے بارش یا چشمے کے پانی نے سیراب کیا ہو، یا عثری یعنی رطوبت والی زمین ہو جسے پانی دینے کی ضرورت نہ پڑتی ہو تو اس میں دسواں حصہ زکاۃ ہے، اور جسے ڈول سے سیراب کیا جاتا ہو اس میں دسویں کا آدھا یعنی بیسواں حصہ زکاۃ ہے۔
ا مام ترمذی کہتے ہیں: یہ حدیث حسن صحیح ہے۔