جامع ترمذی: كتاب: حج کے احکام ومسائل (باب: محرم شکارکا گوشت کھائے اس کابیان​)

ترجمۃ الباب:

846.

جابر بن عبداللہ‬ ؓ س‬ے روایت ہے کہ نبی اکرم ﷺ نے فرمایا: ’’خشکی کا شکار تمہارے لیے حالت احرام میں حلال ہے جب کہ تم نے اس کا شکار خود نہ کیا ہو، نہ ہی وہ تمہارے لیے کیا گیا ہو‘‘۔
امام ترمذی کہتے ہیں:
۱- اس باب میں ابو قتادہ اور طلحہ‬ ؓ س‬ے بھی روایت ہے۔
۲- جابر کی حدیث مفسَّر ہے۔
۳- اور ہم مُطّلب کا جابر سے سماع نہیں جانتے۔
۴- اور بعض اہل علم کا اسی پر عمل ہے۔ وہ محرم کے لیے شکار کے کھانے میں کوئی حرج نہیں سمجھتے جب اس نے خود اس کا شکار نہ کیا ہو، نہ ہی وہ اس کے لیے کیا گیا ہو۔
۵- شافعی کہتے ہیں: یہ اس باب میں مروی سب سے اچھی اور قیاس کے سب سے زیادہ موافق حدیث ہے، اور اسی پر عمل ہے۔ اور یہی احمد اور اسحاق بن راہویہ کا بھی قول ہے۔