جامع ترمذی: كتاب: جنازے کے احکام ومسائل (باب: موت کی خبر دینے کی کراہت​)

ترجمۃ الباب:

985.

اس سند سے بھی عبداللہ بن مسعود ؓ سے اسی طرح مروی ہے، اور راوی نے اسے مرفوع نہیں کیا ہے۔ اور اس نے اس میں اس کا بھی ذکرنہیں کیا ہے کہ ’’نعی موت کے اعلان کانام ہے‘‘۔
امام ترمذی کہتے ہیں:
۱- عبداللہ بن مسعود ؓ کی حدیث حسن غریب ہے۔
۲- یہ عنبسہ کی حدیث سے جسے انہوں نے ابو حمزہ سے روایت کیا ہے زیادہ صحیح ہے۔
۳- ابو حمزہ ہی میمون اعور ہیں، یہ اہل حدیث کے نزدیک قوی نہیں ہیں۔
۴- بعض اہل علم نے نعی کو مکروہ قرار دیا ہے، ان کے نزدیک نعی یہ ہے کہ لوگوں میں اعلان کیا جائے کہ فلاں مر گیا ہے تاکہ اس کے جنازے میں شرکت کریں۔
۵- بعض اہل علم کہتے ہیں: اس میں کوئی حرج نہیں کہ اس کے رشتے داروں اور اس کے بھائیوں کو اس کے مرنے کی خبر دی جائے۔
۶ - ابراہیم نخعی کہتے ہیں کہ اس میں کوئی حرج نہیں کہ آدمی کو اس کے اپنے کسی قرابت دار کے مرنے کی خبر دی جائے۔