فرائض جمع ہے فریضہ کی ،اور مشتق ہے فرض سے اور فرض لغت میں تقدیر اور قطع اور بیان کے ہے ۔اور اصطلاح شرح میں فرض وہ ہے جو ثابت ہو دلیل قطعی یقینی سے اس قسم کے مسائل فقہیہ کو فرائض اس واسطے نام رکھا کہ سہام مقدر مقطوع مبین ہیں جو دلیل قطعی سے ثابت ہیں تو اس میں لغوی معنی اور شرعی دونوں یک جا ہو گئے کذافی غایۃ الاوطار، ناقلاً عن العالم۔ اور موضوع علم فرائض کا تر کات ہیں ،غرض اس علم کی ایصالِ حقوق ہے اہل استحقاق کو ،اور ارکان اس کے تین ہیں وارث اور مورث اور موروث ۔ اور شرط اس کی تین ہیں ،مورث  کی موت ،اور وارث کی حیات حقیقی ہو یا تقدیری ،چنانچہ حمل اور علم وجہ ارت کا اور اسباب اور موانع ضمن کتاب میں مذکور ہوں گے انشاءاللہ تعالیٰ اور اس علم کے استخراج کے تین اصول ہیں کتاب اللہ اور حدیث رسول اللہ ﷺ چنانچہ نانی کی ارت مغیرہ اور ابن سلمہ کی شہادت سے ثابت ہے،اور اصل ثالث  اجماع امت ہے ۔ چنانچہ دادی کے ارت عمر فاروق  ﷜ کے اجتہاد سے ثابت ہے اور اسی پر اجماع ہے اصحاب کرام کا اور قیاس کو فرائض  میں کچھ دخل نہیں کذافی غایۃ الاوطارنا قلاعن الطحاوی مختصراً

عصبات جمع ہے عصبہ کی ۔اور عصبہ مطلقاً لغت میں عبارت ہے محیط بالشئی سے اور معنی احاطہ  عصبہ شرعی میں موجود ہیں کیونکہ عصبات کو ہر طرف سے گھیرے ہیں ۔اور تفصیل عصبات کی آخرباب میں مذکور ہوگی ۔