جامع ترمذی: كتاب: زکاۃ وصدقات کے احکام ومسائل (باب: مانگنے والے کے حق کا بیان​)

ترجمۃ الباب:

665.

عبدالرحمن بن بجید کی دادی ام بجید حوّا ؓ (جو رسول اللہ ﷺ سے بیعت کرنے والیوں میں سے ہیں) سے روایت ہے کہ انہوں نے عرض کیا: اللہ کے رسول! مسکین میرے دروازے پر کھڑا ہوتا ہے اور اسے دینے کے لیے میرے پاس کوئی چیز نہیں ہوتی۔ (تو میں کیا کروں؟) رسول اللہ ﷺ نے ان سے فرمایا: ’’اگر اسے دینے کے لئے تمہیں کوئی جلی ہوئی کھُر ہی ملے تو وہی اس کے ہاتھ میں دے دو‘‘۱؎۔
امام ترمذی کہتے ہیں:
۱- ام بجید‬ ؓ ک‬ی حدیث حسن صحیح ہے۔
۲- اس باب میں علی، حسین بن علی، ابو ہریرہ اور ابو امامہ ؓ سے بھی احادیث آئی ہیں۔